السلام عليكم ورحمه الله وبركاته
Basics was deleted , So Details no longer needed
بقالى كام يوم بفكر فى الجمله دى ومش مستقره على طريقه كتابه ليها
بس استقريت على دى
بمعنى
لو القاعده اتحذفت يبقى التفاصيل الخاصة بيها ملهاش اى منفعه
يعنى الناس لما بتحب تنهى عمر شجره بيقطعوا جذورها مش فروعها
وكدا الفروع بتموت بموت الجذور
لما الناس بتحب تضيع حاجة مهمه بتضيعها من الاساس عشان ميبقاش
فى اى فرصة لرجوعها تانى ...
لو موبيلى مثلا ضاع , مش مهم الارقام ولا المتسيف عليه
القاعده ان الموبيل ضاع هيفدنى بايه بقى اقعد احسب كنت مسجله عليه ارقام مين
القاعده لما تتحذف يبقى التفاصيل ملهاش اى احتياج
وعلشان تنهى على التفاصيل احذف القاعده
شويه كلام وخلاص بقى
معرفش ليه المود قلب فجأة كدا وبقى وحش
وبقى متلخبط بس مود مش حلو
بصراحة انا تعبت وجبت اخر فى كل حاجة
وعشان كدا قررت انى احذف القاعده عشان التفاصيل متتعبنيش
والصبر بقى بتمناه من ربنا والله مش عايزة اكتر من كدا
معرفش الواحد هيتستحمل ايه ولا ايه بس...
ربنا يتوب عليا ويعدى الازمات دى على خير
مفيش غير كدا لان مفيش بايدى حاجة اعملها
حاولت وبصراحة فشلت انى اوصل لحاجة
المواضيع صعبه اوى :(
بس عادى يعنى هتعادى ...
ياما فى اوحش من كدا وربنا بيهون
يلا الحمد لله
