OLiVeTrEe

welcome to my Blog

الحكاية وما فيها+تحديث فى الاحداث



بسم الله الرحمن الرحيم


الحكاية اللي عايزة احكيها النهاردة حصلت فعلا
حصلت من 18 سنه تقريبا
بس مبدأيا كدا اللي مش عايز يضايق بلاش يقراها خالص
ويلغى البلوج دا من عنده علشان بس الدنيا مش ناقصة كآبه خالص
( اموشن حد خجلان وحاسس أن الناس هتولع في البلوج دا قريب)
بس أنا لم ولن اسمح بلوجي هيفضل زى ما هو كدا نكدي من يومه ...


الحكاية وما فيها
كان في اسره بسيطة جدا من الأرياف
بتتكون من أب وأم وولدين وبنتين
أكبرهم سامي و تانيهم وتالتهم البنتين ورابعهم محمد
بطل الحكاية هو محمد أو حمادة زى ما كانوا بيحبوا ينادوه
محمد هو اصغر أخواته زى ما قولت خلص التعليم بمؤهل متوسط.
وزمان فى الأرياف كان التعليم ومستوى التعليم مكنش زى دلوقتى
خلص تعليمه والتحق بالجيش , زمان كان الجيش غير دلوقتى
فعلا مكنش هم الناس هي الفلوس زى ما الناس بدور دلوقتى
وكل واحدعايز يدخل ابنه الجيش علشان مرتباهم كويسه
وبيعرفوا يقضوا مصالحهم ومحدش يقولهم حاجة
..

محمد كان من النوع المثقف جدا وكان بيحب يقرا في الفقه والدين
والكتب الدينية وكانت الناس تعرف عنه الاحترام والأخلاق
والعفة في كلامه .


ومرت الايام والسنين ...

ووصل محمد لسن 28 سنه وقال عايز أتجوز فضل
يدور يمين وشمال لحد ما ربنا رزقه بـأهل بيت, ناس كويسه
وكان الأب راجل ملتزم وكويس وأكيد البنت هتبقى كدا هي كمان .

عجب محمد الموضوع وأتقدم ليها وخطبها وبدأ يجهز شقته للجواز
وطول فتره الخطوبة كان في زيارات طبعا لبيت العروسة
ومن اكتر الحاجات اللى شدت محمد للموضوع هو انها بنت
ناس ملتزمين ولابسه نقاب وكان مستحمل اى شىء علشان
هو شارى البيت ..

ولان زمان كانت المرتبات على الأد والناس تعبانه فى عيشتها
فكر محمد فى فكره انه يطلب نقله في مكان بعيد
ودا بيزود من مرتبه كام جنيه ينفعوه بعد كدا في المستقبل .

ولانه مش بيحب فتره الخطوبه تطول قرر كتب الكتاب
وفعلا كتب الكتاب ولما كان والدها بيطلب منه قايمه
كان رده ( قايمه ايه اللى هتمضينى عليها دا بنتك كلها هتبقى

معايا هى الورقه دى اللى هتضمن ليها حقها منى وكمان لو عايزه
تاخد كل حاجة لو محصلش نصيب تاخدها )
ورفض رفض تام انه يمضيها .

وعلشان ينهو الاشكال على القايمه قرر والدها انه ياخد شيك
بمبلغ 10000 جنيه لحد ما تتم الجوازه ويبدأو يجهزوا بنتهم
واللى وافق يمضى على الشيك هو الاخر الاكبر سامى
وبكدا نسيوا موضوع القايمه شويه ...

لكن قبل الجواز بشهرين توفى ابو محمد وطبعا كانت حاجة محزنه
انهم يفكروا فى الارتباط دلوقتى .
بس محمد قرر يتجوز بسرعه

ولانه هو مش هيعمل فرح وبدام كل حاجة خلصت...
يتجوزوا


وبعد شهرين من وفاه والده أتحدد ميعاد الفرح
فى يوم 18/6/1992
....

ونكمل بعدين
سلامى

16 تعليقات اجمد ناس:

ЯậŇ MỗŘỹ يقول...

السلام عليكم و رحمة الله و بركاته
دايما كده بفضل متعلقه بالنهايه
بسسسسسسسسسسسرعه
عندى امتحان اسمبلى و عاوزه اعرف النهايه او ابقى افكر فيها من الامتحان

هناء محمود يقول...

أنا مبحبش الحركات دى ... هه

الواحد ماشى سرحان ومتخيل وعايش الأحداث وفجأءة تلاقيه لبس فى الحيطة ومناخيره وجعته

منتظرة الباقى يا جميل أقصد يا غلسة

OlivE يقول...

روح بلا فرح
//
السلام عليكم و رحمة الله و بركاته
//
وعليكم السلام ورحمه الله وبركاته

//
دايما كده بفضل متعلقه بالنهايه
بسسسسسسسسسسسرعه
//
لا مش تتعلقى
هو بس الطلب بيجهز اول ما هيجهز هديكى رنه :)


//
عندى امتحان اسمبلى و عاوزه اعرف النهايه او ابقى افكر فيها من الامتحان
//
لالالالالالالالالالالالالا
امتحنى انتى بس وروقى واعرفى الباقى على راحتك خالص
الاجازه قدامنا طويله

مش هأخرها

سلامى

OlivE يقول...

أم .. بوبه

//
أنا مبحبش الحركات دى ... هه
//
علشان متبقاش طويله وعلشان الاحداث تترتب صح فى فهمها مش اكتر

//
الواحد ماشى سرحان ومتخيل وعايش الأحداث وفجأءة تلاقيه لبس فى الحيطة ومناخيره وجعته
//
الف سلامه على مناخيرك
هههههههههههههههههههههههههه
سبيها من غير تفكير شويه وهى هتكمل


//
منتظرة الباقى يا جميل أقصد يا غلسة
//
احم احم
غلسه دى ممنوعه من الصرف عندنا
خلينا فى جميل حلوه وظريفه ولها محل من الاعراب يدخل القلب على طوووووول
:)

سلامى

Mahmoud Ahmed يقول...

مستني البوست الجاي عشان نشوف بقيه الحكايه
بس كلها بقي المره الجايه ^_^

ShiMOo يقول...

البت بتقولك عندها اسيمبلي واللي بيديها نبيل لاشين
حرام عليكي فيها تفضل مستنية كده !!!
هتلاقيها منك ولا من نبيل يعني !!!
هههههههههه

OlivE يقول...

سبايدرمان
//
مستني البوست الجاي عشان نشوف بقيه الحكايه
بس كلها بقي المره الجايه ^_^
//
إن شاء الله
هى مش طويله
مينفعش اطول فيها

سلامى

OlivE يقول...

ShiMOo
//
بيديها نبيل لاشين
//
هى بس ترضى بقضاء ربنا
نبيل
نبيل
لالالالالالالالالا
الحمد لله مش هدينا تانى :)

//
حرام عليكي فيها تفضل مستنية كده !!!
//
معلش بقى خليها عليها

//
هتلاقيها منك ولا من نبيل يعني !!!
//
شريره انا من يومــــــــــــى


منوره يا جميل

ЯậŇ MỗŘỹ يقول...

اهئ اهئ
اااااااااااااااااااه
عيطونى
اااااااااااااااااااه
انا ايه اللى خلانى ادخل الكليه دى
حسبى الله و نعم الوكيل

OlivE يقول...

روح بلا فرح
//
اهئ اهئ
اااااااااااااااااااه
عيطونى
//
معلش معلش
كلنا لها نعمل ايه بس
الحمد لله فتره وعدت
انا معرفش السنه دى مالها
كل ما اكلم حد يقول الامتحانات كانت وحشه اوى

//
انا ايه اللى خلانى ادخل الكليه دى
حسبى الله و نعم الوكيل
//
ههههههههههههههههه
نحن السابقون وانتم اللاحقووووون
يلا هتعدى ولا هتحسى بيها صدقينى
بس قولى يارب


وكدا انا هأخر الباقى شويه لحد ما تفوقى واصدمك انا بعدها بقى :)


سلامى

!! a7mad sala7 !! يقول...

طب القصة دى تقربلك يعنى ولا قصة سمعتيها وخلاص
ولا ايه بالظبط

عموما ادينا مستنيين

ЯậŇ MỗŘỹ يقول...

لالالالالالالالالالا
كملى بقى
انا ماليثى دحوه
انا حامله نفثى زحلانه
ممكن تحملى نفثك بتثالحينى و تكملى القصه

صاحب رأى يقول...

السلام عليكم
باين عليها قصه جميلة
خصوصا انى بحب القصة اللى تبدأ بالوالدين
اعتقد ان القصه هتدور على ابن او بنت للاب والام

للاسف مش هاقدر اتابعها الايام دى بس اكيد فى وقت لاحق هقراها كلها مره واحده
سلام

OlivE يقول...

!! a7mad sala7 !!
//
طب القصة دى تقربلك يعنى ولا قصة سمعتيها وخلاص
ولا ايه بالظبط
//
هى أحداثها حقيقيه مليون الميه :)

//
عموما ادينا مستنيين
//
اوك
شكرا على المتابعه
:)

سلامى

OlivE يقول...

روح بلا فرح

//
كملى بقى
//
حاضر من عيونى


//
انا حامله نفثى زحلانه
//
حاضل حاضل
وانا مقدرش على زعلك

//
ممكن تحملى نفثك بتثالحينى و تكملى القصه
//
والله انا خايفه انزلها علشانك انتى بالذات معرفش ليه


معلش كان الجهاز عندى بعافيه شويه
بس اهو بدا يشد حيله
وان شاء الله هنزلها النهارده او بكره

اسفه على التأخير

OlivE يقول...

صاحب رأى
//
السلام عليكم
//
وعليكم السلام ورحمه الله وبركاته

//
اعتقد ان القصه هتدور على ابن او بنت للاب والام
//
هى فعلا كدا
شكلك قريت اول سطرين منها :)

//
للاسف مش هاقدر اتابعها الايام دى بس اكيد فى وقت لاحق هقراها كلها مره واحده
//
أوك ولا يهمك
البلوج بلوجك يا باشمهندس


سلام