OLiVeTrEe

welcome to my Blog

الحكاية ومافيها _2


السلام عليكم ورحمه الله وبركاته
أتحدد ميعاد الفرح
جهزت الشقه بالعفش


وقبل الفرح ب4 ايام قرر محمد يسافر علشان يأخد أجازه الفرح من شغله ومكان شغله كان بعيد جدا كان في مرسى مطروح.
وأخد أجازة أسبوعين للفرح وحدد يوم الثلاثاء للرجوع لأهله

علشان يجهز بقى مش العريس ولازم يرتب شقته ويظبط الامور

كان لازم الاهل يستعدوا استعداد الفرح والعادات اللى كانت
موجوده فى الوقت دا لكن أم محمد رفضت تجهز اى شىء
من حاجات الفرح الا لما ابنها يوصل بالسلامه وتطمن عليه
وجه يوم الثلاثاء فى انتظار العريس
والعريس موصلش وفى انتظاره لاخر اليوم بس بردوا موصلش ...
وعدى اليوم قالوا يبقى أتاخر وأكيد هيوصل بكره الصبح.
و ما زالت والدته متحكمة أنها تستني ابنها لما يوصل وتتطمن عليه ...
وبقينا يوم الأربعاء يوم الحنة وبرضوا موصلش اى خبر عنه
أو اى اتصال منه
وفى منتصف يوم الأربعاء الباب خبط
سامى:مين؟؟
سعيد:أنا سعيد صاحب سامي (أخو محمد الكبير)
سامى:تعالى يا سامي عايزك
سعيد:خير يا سعيد
سامى:بس تعالا هبط بالصاعقة على سامي
سعيد:فى خبر وصل لعمدة البلد أن محمد توفى في حادث أتوبيس

وكان لازم حد يبلغك ومحدش قدر يبلغك الخبر
وطلبوا منى أنا اللى أبلغك ..
سامى:أزاى ؟؟!!!!!!!!!
سعيد:الأتوبيس اللي كان راجع حصل تصادم ما بينه وبين عربية

محمله بنزين وغاز ومفيش حد نجي منه خالص غير شخص واحد,
بقاء لله يا سامى .


طبعا الفرح اللي كان هيبقى موجود في البيت بعد 24 ساعة أتقلب مآتم واتبدلت كل لحظات الفرح والابتسامات إلى حزن شديد وبكاء
وبدل من تقديم برقيات الفرح والزغاريط
انقلب إلى عزاء وحزن على محمد ...

بعد فتره شهر من الوفاة
طبعا أهل العروسة مش هاديين ومش عارفين مصير بنتهم إيه
وكل شويه فى كلمه للبلد وما أكثر الكلام اللى ممكن يتقال
فى الاوقات دى..


وعلشان سامى يخلص من كلامهم لان الوقت غير مناسب للكلام دا
قال ليهم لو عايزين حق بنتهم يجوا يأخدوه
وفعلا بعد شهر تقريبا من الوفاة أخدوا كل العفش من الشقه
بدون أى شعور بالمصيبه اللى فيها أهله .
وفعلا اخدوا كل العفش وخلو الشقة زى الصحراء

, مقابل حقها فى جوزها ..


ولان الحاجة بتزعل على صحبها ,الشقه أتغير لونها

إلى شقه باهتة اللون حزينة على صاحبها وفراقه ليها .
يمكن فى ناس مش هتصدق كلامى دا وتقول أن دا مش حقيقى

, بس عن تجربة فعلا الحاجة بتزعل على صاحب البيت
ولو حصل أى حالة حزن بتحزن هى كمان ..
...............


أنا هقف لحد هنا مش هكمل
هسيب عقولكم وتخيلاتكم هي اللي تحدد ليكم حاله الأم
والبيت بعد كدا بقيت ازاى
وازاى إن البيت دا مدخلوش اى طعم للفرح وكأن الحزن بقى
شىء أساسى فى كل المناسبات ومن كتر جراحهم لما بيفرحوا
بيبكوا مش حب للجرح أو الحزن ولكن الله أعلم ..
هسيب كل واحد يفكر إيه اللي ممكن يتعلمه من الحكاية .
وهحب اسمع أقراكم في الحكاية
و لو أنت بعد الشر عن اى حد قريب منكم مكان اى حد

كان قريب من محمد كان ممكن رد فعلك إيه وتأثيرها عليك ...


نسيت أقول أن محمد ادفن في مرسى مطروح بعيد عن أهله في نصب للجندي المجهول
لأنهم طبعا كان صعب يتعرفوا على الجثث من تشوهها ..
ونسيت أقول أن البنت اللي ارتبط بيها بعد الوفاة بفترة خلعت النقاب خالص وبقت عادى جدا والميكاج بقى طبيعي عندها أنها تخرج بيه ...

أنا آسفة على الحكاية بصراحة انا مكنتش عايزة اكملها خالص حسيت أن غلطانه أنى حكيتها لانى عارفة أنها حزينة
بس حبيت اذكرها هنا ممكن للعبرة أو للعظة يمكن رسالة لينا
كشباب وفتيات ...

سلامى

7 تعليقات اجمد ناس:

ЯậŇ MỗŘỹ يقول...

السلام عليكم و رحمة الله و بركاته
رأيى وصلك ع الايميل
)): )): )): )):

halaS demahoM يقول...

يا سبحان الله
يعني هيا من قلة الحكاوي اللي الناس بتروح تاخد اجازات
وترجع تتجوز وتعيش عادي يعني

انا مبنتقضش الحكايه ولا حاجه
بس مش ناقصين وجع قلب

يلا ربنا يرحمه ويرحمنا
ويهدي البت اللي كان هيتجوزها
ويصبر اخلخ
لو كانوا لسه عايشين
س ل ا م ي

OlivE يقول...

روح بلا فرح
//
السلام عليكم و رحمة الله و بركاته
//
وعليكم السلام ورحمه الله وبركاته

//
رأيى وصلك ع الايميل
//
اها وصلنى
وكتير أسفه ليكى
وهصالحك يا ستى بطلبك حاضر

بس مش ذنبى القصه فعلا حقيقيه ومحبتش أغير فيها


سلامى

OlivE يقول...

Imagine That


//
انا مبنتقضش الحكايه ولا حاجه
بس مش ناقصين وجع قلب
//
والله ما المقصود وجع قلب الناس ولا حاجة
حضرتك لو قريت أخر سطرين هتعرف انى كتباها كنوع من انواع التذكره او التعلم ويمكن فتحت باب النقاش فى الحته دى بس للاسف محدش رد على الحته دى


يمكن القصه بعيده اوى ومن زمان
بس للاسف بشوف دلوقتى أبشع منها وبنسمع عنها كل يوم فى كل مكان
بس هل الناس أزاى بتشوف المواقف دى
ازاى بتأثر فيها معرفش
ولا علشان رتم الحياه سريع حتى دى كمان بقت تكاواى الله اعلم S:


//
يلا ربنا يرحمه ويرحمنا
//
اللهم امين يارب العالمين

//
ويهدي البت اللي كان هيتجوزها
//
لا ما خلاص اتجوزت من زمااااااان وخلفت دلوقتى وربنا يهدي كل الناس

//
ويصبر اهله
لو كانوا لسه عايشين
//
ربنا يصبرهم ويصبر كل لابشر على ابتلائتهم وظروفهم


سلامى

morgana يقول...

جايه انا اتخيلك باقي القصه بقي
هو كده رخامه
:-P

قوم ايه بما انهم مشفوش الجثه ومتعرفوش عليها يبقي العريس لسه عايش
وهيرجع لاهله
والبت اللي خدت كل حاجه وانقلب حالها هتندم :D

منوره انا والله البلوج

OlivE يقول...

morgana

//
جايه انا اتخيلك باقي القصه بقي
//
تحت أمرك ياسيدى البلوج بلوجك بردوا وانا عارفه انك روايه كبيره اوى

//
هو كده رخامه
:-P
//
مش جديد عليكى يعنى p:

//
لسه عايش
وهيرجع لاهله
//
ياااااااااااه
ياريت كل النهايات كدا بس دا مش فيلم عربى للاسف

//
منوره انا والله البلوج
//
فعلا والله

بس والله العظيم
وحشتينى اوى اوى يا بنتى
i miss you

سلامى

Mahmoud Ahmed يقول...

حكايه حصلت كتير و بتحصل كتير جدا
و هتحصل برضه
مفيش وفاء ابدا لذكري العريس الى مات
و يظهر ان والدته كانت حاسه بانه توفي عشان كده مرضتيش تعمل حاجه
نتعلم نقول الحمد لله و نتعلم اننا نعمل لأخرتنا و نتوكل على الله