السلام عليكم ورحمه الله وبركاته
أحم أحم
وصلنــــــــــــــــــــــــــــــا
والحمد لله
النهارده حبيت أدخل سينما
وبدام ضربت فى دماغى حاجة لازم اعملها
لقيت فيلم ظريف لذيذ ومكتوب انه كوميدى
قطعت التذكره ودخلت اتفرج على الفيلم
الفيلم اسمه حرقه دم
لا مستغربوش مكتوب كوميدى
مكتــــــــــــــــــوب كوميدى وانا مبحبش أكدب حد
الفيلم طلع بطوله 4 من ارخم الممثلين اللى ممكن تقبلهم
وهو ممثل واحد بس اللى كان ظريف وكويس
وللاسف هو اقل أجر فيهم والباقى واخد كله لحسابه
وإذ فجأه وبعد كام مشهد كدا ألاقينى وقعت فى فيلم
جعلونى مجرما ويظهر قدامى فريد شوقى ويتقلب
الفيلم رأسا على عقب وبقيت اقول لنفسى
(قومــــــــــــــــــــــــــــــــى بينا نمشــــــــــــــى)
ياناس أنا داخله فيلم كوميدى يعنى الاقى احمد حلمى بيطنط
قدامى مش الاقى فريد شوقى يخنقنى :(
وعصرت على نفسى ليمون من اللى وخداه معايا
وكملت لاخر مشهد
واخر مشهد قام بيه ممثل واحد بس
خنقنى وبجد قرفت منه ومكنتش طيقاه بس نعمل ايه
خلاص فيلم واتحسب علينا ...
......
.....
اممممممممممممممم
نخرج من دا كله بايه
ان اللى يسمع كلام اى دكتور فى اى امتحان
لازم يخرج دمه محروق ومتغاظ
هو الامتحان مكنش متوقع كدا
الواحد كان عايز يخرج فرحان وضامن ماده
ترفع من التقدير ونفرح بيها اخر الترم
وفى الاخر على رايى مورجن نفخونا يا مرزوق
ايييييييييييييييه دنيا
يلا الحمد لله
وأحــــــــــب أسمع اغنيه
كان طيب كان حنين أتاريه كداب كبيـــــــر
واللى هسمعه بيقول آخر سؤال بس اللى كان وحش
ساعتها هولع فى البلوج وكل اللى فيـــــــــــــــه
(مش أى بيدخل يمتحن صح.... S:)ليكى يووووم
وبعد كدا قررت ادخل فيلم تانى بعنوان
توكيــــــــــــــــــــــــــــل خـــــــــاص
بس حظى طلع وحش
الشهر العقارى طلع قافــــــــــــــــل D:
يلا ناقص على الوحش 2
(الحلو طلعت ممنوعه من الصرف فى الكليه الفقر دى)
لما نشوف الماتش هيكمل علينا ولا ايه اللى هيحصل
يلا سلامو عليكو
6 تعليقات اجمد ناس:
مبحبهوش الفيلم ده
ماليش دعوه مش هتفرج:D
الماتش ما كملش علي حد اهه
مبروووووووووووووووك:)
morgana
//
مبحبهوش الفيلم ده
ماليش دعوه مش هتفرج:D
//
مجبره أختك مش بطله
مش غاويه أنا نكد ولا الغم دا
//
الماتش ما كملش علي حد اهه
مبروووووووووووووووك:)
//
اه الحمد لله مبروووووووووووووك يا سيدى
عقبال الكأس إن شاء الله
رغم ان فرحه النهارده بميه كاس
سلامى
السلام عليكم
شجر الزيتون من اجمل الاشجار العزيزه على قلبى لذلك عزمت نفسى بنفسى هنا فى مدونتك على اتعرف على الزيتونه التى انارت عالم التدوين فوجدها لا غربيه ولا صعيديه ولكن وجت خفت الدم الشرقويه
اصحاب كلمة (مش) المشهوره حبيت اعلق على الماتش مش لقيت تعليقات فقولت مش مشكله مش هاعلق هناك وكفايه اكتب تعليقى هنا ياترى كفايه ولا مش اد كده
مدونه ظريفه بس هو فىه فى الشرقيه سينما
مستنى رد الزياره
صدفة جميلة
//
السلام عليكم
//
وعليكم السلام ورحمه الله وبركاته
اولا انا متشكره اوى على كلامك حضرتك اللى اسعدنى كتير وحضرتك نورت المدونه بكلماتك وتعليقك
وشجره الزيتون دى احب اسم ليا انا كمان
//
اصحاب كلمة (مش) المشهوره
//
اه يعنى بس مش كل الشؤقيه بيقولها يعنى اماكن اماكن
انا بصراحه مكنتش بقولها بس اتعود اقولها :)
وماله المش هو حد لاقيه فى الزمن دا D:
//
حبيت اعلق على الماتش مش لقيت تعليقات
//
ايه
مش لقيت تعليقات
ما انت شكلك تبعنا :)
//
فقولت مش مشكله مش هاعلق هناك وكفايه اكتب تعليقى هنا ياترى كفايه ولا مش اد كده
//
لا المش كدا زادت اوى
لا طبعا حضرتك تنور
والفرحه فى قلوبنا كلنا
//
مدونه ظريفه بس هو فيه فى الشرقيه سينما
//
لا يبقى كدا حضرتك مش تبعنا
حضرتك ممكن تزور الشرقيه وتعرف ان فيها كل حاجة وبلد جامده اوى اوى بكل أهلها ( مين يشهد بقى)
D:
وكمان الفيلم دا كان لفرقه رابعه بس :(
يلا الحمد لله
//
مستنى رد الزياره
//
بإذن الله انا قريت حاجات بسيطه كدا من بعض الكلمات عندك بس شكلها مدونه حلوه اكيد
اكيد هتابع بس لما نخلص الامتحانات
اسعدنى كتير مرورك وتعليقك
سلامى
الف مبروك لمصر
انتى ليه مش فاتحه التعليقات؟
blue-wave
//
الف مبروك لمصر
انتى ليه مش فاتحه التعليقات؟
//
مبروك الماتش الاول ومبروك ليها على الكاس كمان
سورى على التأخير فى الرد
ليه قافله التعليقات
لا هو مفيش سبب معين
لما بتضرب فى دماغى بقفلها D:
تحياتى
إرسال تعليق