شويه رغى تانى خالص

السلام عليكم


انا بقول مفيش فايده
بجد مفيش فايده
لا هو اكيد مفيش فايده
لا دا مستحيل يبقى فى فايده
لا دا من الاحلام يبقى الفايده دى موجوده

محدش فاهم حاجة ودا المطلوب اثباته


اييييييييييييييييه دنيا

امبارح كنت هموت وانام واجيب فى النوم مش راضى يجى ابدا

ياعم عيب كدا وتعالى اشرب حاجة مفيش فايده ابدا

النهارده بقى اقوله روح لازق لازق يعنى

اروح الامتحان امبارح نايمه ساعتين بالعافيه ومش قادره

بس على مين هى قهوه زيتونه بس تتعمل وخلاص انسو

وروحنا امتحان وحليت الحمد لله

اى نعم ومعرفش ليه مش راضيه عن نفسى اوى فى الامتحان دا

وكان ممكن اعمل احسن بس نعمل ايه بقى مش نايمين كويس

ونسيت شويه حاجات كدا بس الحمد لله امتحان وعدى

ارجع من الامتحان اجيب فى النوم برضوا مش راضى يجى

خلاص هو يوم مش فيه نوم ابدا طيب خلاص نقوم

طبعا مش علشان نذاكر لماده بكره يعنى لا دا علشان اعمل اى حاجة

من هنا لهنا من الكمبيوتر للتلفزيون لفيلم مدبلج بحسه حلو طلع تافه

وقعدت شويه كدا اوشوش الورقه بشويه كلام وخلاص بقى هنام الاقى

ترن ترن ايون مين

عيزاكى تيجى تفتحى لينا الكمبيوتر علشان اكلم ابنى اللى فى السعوديه

وقومت علشان اروح لجارتى افتح الكمبيوتر

( ايون ادوس على الزرار الاحمر دا )

والاقى ابنها اون وتكلمه على الميل وتشوفه ويشوفها

والحمد لله تمت العمليه بخير بعد

دعوات الجميع بفتح الكمبيوتر على ايدى D:

ورجعت اناااااااااااااااااااااااااااااام

وبعد طول انتظار نمت الحمد لله بس على مين لازم اعوض اللى فات

واخدت حقى الصراحه اوووووووووووووووووووووى

اه محبش اسيب حقى ابدا

بكره ماده دونكى بوك اه اقصد اوبن بوك

يعنى يوم العك العالمى

يعنى يوم اكتب والزق فى الورق

يعنى يوم نفض دماغك كدا وشغلها وممكن تطلع قماش

يعنى يوم تدخل وانت ...... وتخرج وانت عاصر دماغك

ومنشفها علشان تطلع بافكار تكتبها فى الورقه

وربنا يستر ويعدى 8 الايام دول على خير يارب

اصل انا نفسى بقى قصير اووووووووووووووى


بس نفسى اعرف سبب الارق دا ايه وللعلم مكنتش قلقانه
ولا بفكر فى الامتحان ولا خايفه

ولا كنت حاسه ان بكره امتحان اساسا
عاااااااااااااااااااتى جدا جدا يعنى

لو حد عرف يقولى بجد


كانت معكم زيتونه

من امام هذا الكمبيوتر اللى دوست فيه على نفس الزرار
علشان تش ويفتح و ارغى هنا شويتين

مليش مزاج انزل صوره :)

سلامو عليكووووووووووووووووووو
:)