رحيـــــــــــــــــــــــــــــــــل الشمس
استيقظت اليوم من نومى فى ظلمه فلم أرى نور الشمس
فأين ضوء الشمس ودفئها
ألم تشرق الشمس اليوم !!!
فبالأمس رأيت غروب الشمس , كنت أنظر إليها
وكلى امل بأننى سأراها بعد ساعات قليله تشرق
فى حياتى مره اخرى,
ولكنى لم أدرك حينها انها تودعنى بإبتسامتها.
فالامس كان آخر يوم ستشرق فيه الشمس على حياتى
فقد كانت تودعنى باحتضانها إلى دنيتى لقد رأيتها
وهى تحتضن سحابه ثم غابت عن نظرى وحينها
أحسست أن ضوئها يحتضن قلبى
لم ادرك انها تودعنى
إلى الآن لا اعرف سبب انسحابها من حياتى!!!
ولكنى لا املك إلا تسائلاتى ,
هل غابت الشمس ولن آراها مره اخرى فى حياتى؟
هل ستظل حياتى معتمه هكذا بدون ضوء فيها؟
كيف سأحيا فى حياتى بدون نور الشمس ؟؟
كيف سأحيا فى حياتى بدون امل فى انبعاث الضوء بعد الظلمه؟
كيف سأحيا فى حياتى بدون امل فى وجود الدفء بعد فقدانه؟؟
كيف سأحيا فى حياتى بدون امل فى ابتسامه القمر فى الليالى؟
من أين سيستمد القمر طاقته وضوئه فى ليالى عمرى ؟
كيف سأعشق القمر مره اخرى وأنا لا و لـــــــــن آراه ؟
هل ستتحول حياتى من عشقى فيها للقمر إلى عشقى للظلمه,
إلى عشقى ليالى معتمه دون ضوء فيها ولا أمل؟؟؟
لما تخليتى عنى يا شمس دنيتى
لما تخليتى عنى يا شمس دنيتى
لما تركتينى أحيا مره اخرى فى ظلمتى
لما سلبتى سعادتى وفرحتى معكى
لما حرمان أيامى من ضوءك فقد كنت استمد منه طاقتى؟؟
لا أدرك إلى الآن ما قد حدث
كل ما اذكره هو أنى ودعتك بالفرحه والامل فى غدى
ومره اخرى ظهر الحزن وضاعت الفرحه معكى
ها قد تخليتى عنى مره اخرى
وانا لا الومك فقد فقدت طاقتى
ها قد تخليتى عنى مره اخرى
وانا لا الومك فقد فقدت طاقتى
ولا املك سوى ان اشكركـــــــ
شكرا على امل قد احسسته فى وجودك فى عالمى
شكرا على امل قد احسسته فى وجودك فى عالمى
وأعلـــــــــــــــــــــــــن
رحيلك عن دنيتــــــــــى
رحيلك عن دنيتــــــــــى
واعلن بعد رحيلكــــــــــــــ
أعلن عن انتكاسه قلبى بعدكِ
أعلن عن انتكاسه قلبى بعدكِ
1/1/2010
OlIvEtReE
+++++++++++++++++++++++++
ناس كتير مستغربه
يعنى اول يوم كدا فى السنه
ونكتب شويه الكلام الكئيب دا
اولا
انا كنت متفائله خير بسنه 2010 كلها وسعيده انها بدات
حسستنى ان الدنيا بتتغير وان الايام مش زى بعضها وان
كل حاجة مش بتفضل على حالها
ومنكرش انى كنت مستبشره خير جدا
بس
حصل موقف وحش اوى
موقف ما بينى وبين اخويا
وزعلت بصراحه وبسبب التاتش دا
كتبت الكلام دا يمكن لانى قبلها بساعه كنت
فى قمه نشوتى للحياه
وفجاه دا كله زال
بالموقف اللى حصل دا
مزعلتش الزعل الجامد اوى ولا حبيت اضايق نفسى اوى
وبدل ما اقعد مكشره على طول
مكنش قدامى غير انى امسك الورقه والقلم
واكتب اى حاجة تيجى على بالى وكتبت الكلام دا
بس الحمد لله على آخر اليوم
صالحنى وبقينا كويسين الحمد لله
بس ساعتها قولت ايه لازمه البوست بقى
لازمته عندى مش لمجرد انى بكتب وخلاص
الاهم ان بالكتابه دى اقدر اطلع فيها كل المخزون اللى جوايا
سواء بقى كان موقف حزن او فرح
يمكن لانى مبقتش احب افضفض مع حد
بس بحب اكتب كلام ممكن يخرج اللى جوايا
من غير ما احتاج لحد يسمعنى
اصل
اصل
محدش ناقص حد دلوقتى
سلامى
18 تعليقات اجمد ناس:
دعوة لمدونتى الجديدة
http://awraktanbod.blogspot.com/
السلام عليكم و رحمة الله و بركاته
ان شاء الله الشمس هتشرق على حياتك مره تانيه هى بس أحيانا بيحصلها كسوف زى الشمس الكبيره بس بترجع تانى
خلى عندك أمل و ثقه فى ربنا
دوام الحال من المحال فدائما فى تعاقب فى حياتنا ما بين شروق شمس تضئ حياتنا بأكملها و ما بين ضوء قمر يزيد و ينقص ضوئه
خلى بالك ان دايما فى حاجه بتنورلنا بس أحيانا مش بناخد بالنا منها
سلام
ربما
تختفي الشمس احيانا خلف الغيوم
لكن بلا شك
لا بد ان تعاود الظهور :)
بربع جنية شمع وولعى فى الدنيا كلها وبلاها الشمس خالص :)
بصراحه انا وصلت لحد معين فى الموضوع بتاعك دا
واكتشفت انى داخل على مرحلة اكتئاب
فا مكملتش
اصل انا بتأثر بمود الناس بسرعة اوى
بس عايز اقول حاجه
دوام الحال من المحال
وكل ما بنفقد شىء ربنا بيعوضنا بالاحسن ان شاء الله
في اول يوم في السنه كده الشمس تغيب
نعم البدايه
نخلينا بقي في القمر
اوعي يكون غاب هو كمان
اصله لو غاب معناها مفيش شمس
انما لو موجود تبقي الشمس موجوده
بس في الجانب المعاكس
لسه بنبتدي نقرا البوست اهه
بس واضح ان اليوم في شبوره خالص
بيفكرني بيوم الاحد اللي فات:D
ده اكتر حاجه موجوده في السنه الجديده هيا الشمس
الواحد ولع من كتر الحر
ماتخافيش هيا هتغيب تغيب وهترجع تاني
هتروح منك فين يعني
بجد
مقدرش أقول غير متميزة كالعادة
دي كفاية
بس مممممممم
مش عارف أول بوست في السنة الجديدة
وشامم فيه ريحة حزن
حتى أول السنة مدقرش يمحي كده؟؟؟
والسلام ختــام
أم .. بوبه
//
دعوة لمدونتى الجديدة
//
قبلنا الدعوه
ودخلنا
وردينا
وعجبتنا جدا جدا المدونه
:)
نورتىىىىىىىىىىى
روح بلا فرح
//
السلام عليكم و رحمة الله و بركاته
//
وعليكم السلام ورحمه الله وبركاته
//
ان شاء الله الشمس هتشرق على حياتك مره تانيه
//
إن شاء الله
//
خلى بالك ان دايما فى حاجه بتنورلنا بس أحيانا مش بناخد بالنا منها
//
اه ممكن
ممكن علشان مش بتبقى جايه فى وقتها او ان النور دا ظهر مش فى وقته خالص
امممممممممم
مش عارفه بصراحه
اسعدنى ردك ونورتينى
وبنا ييسر الحال لكل الناس
سلامى
اقصوصة
//
ربما
تختفي الشمس احيانا خلف الغيوم
لكن بلا شك
لا بد ان تعاود الظهور :)
//
اه اكيد
بس شوفى فى غيابها بيبقى حالنا عامل ازاى يعنى ولا شمس تدفينا
ولا قمر ينور ليالينا !!!
نورتينى
سلامى
صاحب رأى
//
بربع جنية شمع وولعى فى الدنيا كلها وبلاها الشمس خالص :)
//
اممممممممممم
نفكر فى موضوع الربع جنيه دا
ونقدم طلب بيه لامم المتحده كقرض لينا ونتفاوض بقى علشانه
بس افرض الربع جنيه جه
وادينا الشمع
دا يكفينا بديل للشمس والقمر كمان
//
اصل انا بتأثر بمود الناس بسرعة اوى
//
هو انا مش عارفه ارد
بس من رايى
ان الانسان لما بيوصل لدرجه التاثر بمود الناس بسرعه بيقدر يفدههم بشكل اسرع لانه بيبدا يحط نفسه مكانهم ويرد على اساس دا ودى حاجة كويسه جدا جدا
وكمان يكفينى رد حضرتك عندى :)
//
بس عايز اقول حاجه
دوام الحال من المحال
وكل ما بنفقد شىء ربنا بيعوضنا بالاحسن ان شاء الله
//
ونعم بالله
فعلا دوام الحال من المحال
وانا اكتر واحد اقول كدا لان فى ثوانى بيتغير الحال فى ثانيه سبحان الله
اسعدنى ردك كتير
وشكرا على الامل الموجود فى التعليق دا
وبكره اكيد ان شاء الله احلى
سلامى
Imagine That
//
في اول يوم في السنه كده الشمس تغيب
//
ما علشان كدا انا كتبت البوست دا لانه عكس ما كنت متوقعه خالص
//
نعم البدايه
//
اممممممممممم
لا مش نعم البدايه ولا حاجة هى كانت نعم النهايه لليوم لان الموضوع اتظبط فى الاخر
//
نخلينا بقي في القمر
اوعي يكون غاب هو كمان
//
لا هو اكيد اكيد هيغيب
اظن كدا ولا هما بيعلمونا غلط فى المدارس ولا ايه ؟
//
اصله لو غاب معناها مفيش شمس
انما لو موجود تبقي الشمس موجوده
بس في الجانب المعاكس
//
اه ممكن تكون ظاهره الشمس
بس انا مش بشوفها عندى مش عارفه ليه
حصلها كسوف كلى
ربنا ييسر الحال
شرفتنى
سلامى
morgana
//
لسه بنبتدي نقرا البوست اهه
//
ماشى
طايب
متزئيش بس
والله شكلك نمتى فى اول سطر
ماعلينا
//
بس واضح ان اليوم في شبوره خالص
بيفكرني بيوم الاحد اللي فات:D
//
شبوره مين يابنتى دا مضلم خالص مش على قد الشبوره بس
//
ده اكتر حاجه موجوده في السنه الجديده هيا الشمس
الواحد ولع من كتر الحر
//
هجبلك مروحه
//
ماتخافيش هيا هتغيب تغيب وهترجع تاني
هتروح منك فين يعني
//
هو كله كدا هيروح منى فين
ازاى ان كل حاجة راحت يا مورجن ومش بترجع خالص p:
منوره يا جميله
سلامى
AhMeD DeEb
//
بجد
مقدرش أقول غير متميزة كالعادة
دي كفاية
//
:)
اول حد يدى تعليقه عن الكلمات وليس المعنى الكئيب اللى فيها
رغم انك بتجاملنى بس يارب تكون حلوه فعلا
//
بس مممممممم
مش عارف أول بوست في السنة الجديدة
وشامم فيه ريحة حزن
حتى أول السنة مدقرش يمحي كده؟؟؟
//
لا هو محى كل شىء على فكره
دا بقى كان بدايه السنه الجديده
كانت بدايه مبشره بحاجات كتير تزعل صراحه يعنى
بس ماعلينا
نوتنى والله
سلامى
مش بقولك دوام الحال من المحال
اهو فى ثانية اخوكى صالحك الحمد لله
يلا بقى عايز بوست يشجع كدا اصل انا داخل مرحلة اكتئاب
اوعى تتأثرى بمودى :)
صاحب رأى
//
مش بقولك دوام الحال من المحال
اهو فى ثانية اخوكى صالحك الحمد لله
//
اه عندك حق :)
وياما بيحصل بين الاخواتى اسالى انا
//
يلا بقى عايز بوست يشجع كدا اصل انا داخل مرحلة اكتئاب
اوعى تتأثرى بمودى :)
//
امممممممممم
بوست ويشجع
دا انت بتطلب طلب اصعب من انى اقوم اذاكر دلوقتى ( ودى بقت حاجة مستحيله)
ربنا يستر والمود يتظبط ونكتب اى موضوع كويس
منور
سلامى
ربنا يبعد عنك الإكتئاب والزعل والشمس متغيبش عنك أبدا
أم .. بوبه
//
ربنا يبعد عنك الإكتئاب والزعل والشمس متغيبش عنك أبدا
//
يارب عننا كلنا ان شاء الله
دعواتك
منوره وشكرا على المتابعه
سلامى
إرسال تعليق