سلسله شويه كلام من اولفى

السلام عليكم ورحمه الله وبركاته

اممممممممممم

بما انى كدا مخلصه كل المواد ورجعتهم عشروميه مره

قولت ادخل اضيع وقت شويه بقى الواحد عمال يذاكر من الصبح

اصل الواحد طاقات
( اموشن حد بيكدب اكيد او كان بيحلم يكون بيعمل كدا فعلا)

ما علينــــــــــــــــــــــــــــــــــــــــــــــــــــــــــــــــــــــــــــــا

بيقولوا ايه فى مثل كدا سمعته مش من حد مثقف يعنى
الناس بينطقوه ازاى

( من عاشر الاوم اربعين يوم لا سار منهم يا ساروا منه )

وبينطقوا كدا نظام الوزن والقافيه برضوا مش اى كلام D:

بمعنى لو عاشرت جماعه من الناس فتره يا هتبقى زيهم

يا هما يبقوا زيك فى حاجات معينه طبعا مش فى كل الطباع

يعنى يا تاخد من صفاتهم يا ياخدوا من صفاتك سواء بقى

هتاخد الوحش او الحلو .........ليه بقول الكلام دا ؟

يعنى لو عاشرت حد مش طايق البلد وعمل يتكلم فى السياسيه

ومش عجبه حاجة يا هتبقى زيه كدا وبرضوا مش هيعجبك حاجة

ياما بقى تحاول تقوله ياعم ما كل الناس كدا وتحاول تهدى من اسلوبه

( اى نعم حال البلد مش عاجب حد والكل شايف كدا بس اللى اتكلموا
فى السياسيه وحرقوا دمهم خدوا ايه يعنى ) :(

دى مش معناه سلبيه بس لو اسلوب الحياه كله بقى كدا
يبقى مش هنعرف نعيش خالص ...

طيب لو قاعد مع حد ملوش فى اى حاجة يوم ما يشوف

فى التلفزيون عربيه بى ام دبليو يقول ياحلاوه يا ولااااااه

تعتقدوا ان الشخصيه دى ممكن تنهض وانت معاشرها

وبتتعامل معاها بيتهيالى كدا انك ممكن تنسى كل اللى اتعلمته

وتتنازل عن عقلك افضل لاى حد تانى لان فى ناس كدا

مش بتحاول تشغل مخها ولو شغلته بتعمل مصيبه للاسف

يمكن لانها بتبقى معندهاش خبره فى الحياه ولا تعبوا نفسهم

ان يبقى عندهم خبره او الظروف مش سمحت

بس هل انت ممكن تستلم لكدا وترضى وتسكت ؟؟
ولا تبعد عنهم خالص؟؟؟



طيب لو بتتعامل مع حد كله تفائل ومبتهج كدا على طول

من رايى انك اكيد مش هتشيل هم حاجة ويوم ما هتشيل

هتلاقى اللى يهون عليك واللى هتبقى مش مضايق

ولا زعلان وانت بتتعامل معاه ولا هتتمنى يوم ان علاقتكم دى تنتهى ...

اللى عايزه اقوله اننا بناثر فى بعض كتير اوى بالسلب

وممكن بالايجاب ويمكن دا مش بنحسه الا بعد فتره من الوقت

طيب ازاى اقدر تمنع نفسك انك تتاثر بالناس بالسلب

( بصراحه دى حاجة ترجع لقوه الشخصيه نفسها )

ومش كل الناس بتقدر تكون قويه فى دا كلنا بنتاثر من بعض

وللاسف يعنى كتير بتبقى فى الحاجات السلبيه


يمكن اخر حاجة عايزه اقولها ان لازم نأثر فى الناس بشكل ايجابى

وبلاش اننا نأثر فى الناس بشكل سلبى

علشان المفروض الانسان يبقى مصدر لشىء مفيد فى حياه البشر

مش الحاجة الغلط خلى الصفات الوحشه دى لينا احنا

ونحاول نتخلص منها من غير ما تأثر فى حد

اممممممممممممممممم

حاسه ان محدش فاهم حاجة

بس شويه كلام عايزه اقولهم واوصل بيهم

لحاجة كدا لنفسى قبل اى حد تانى

كفايه رغى كدا الناس زهقت

صحيح الناس هتتخض من العنوان يعنى

سلسله ايه واسوره ايه دى

بس بدل كل شويه ما اكتب شويه كلام

اهو يبقى سلسله كدا اتكلم فيها براحتى

سلامى