شويه رغـــــــــــــــــى

السلام عليكم ورحمه الله وبركاته

اممممممممممم
اه داخله اكتب بوست اى بوست والسلام
سيبيكوا من كل المواضيع اللى فاتت دى
يعنى كنا بنحاول نقول احنا مفيش مننا اتنين


عندى حاله من القرف والزهق والتعب والخنقه
وعدم الرضا عن النفس والخوف والتوتر والقلق
والحزن وساعات كدا بفرح نفسى وافتكر موقف يضحكنى
على اساس انى بخرج نفسى من المود


هو انا معرفش من ايه
بس انا لما بفكر فى حاجة او موضوع وبسرح فيه
محدش بيعرف يوقفنى خالص الا لما اتعب انا من كتر التفكير
والاقينى وصلت لحيطه سد
أوم ايه
ارجع تانى ادخل من طريق تانى لنفس الموضوع
مش من السهل انى ابطل التفكير فى حاجة شغلانى
صعب اوى اوى

مش هقول الامتحانات لان السنه دى
انا رافعه شعار
للفشل وجوها كتيرة
ومحدش يقولى ذاكرى والاحقى اعملى اللى عليكى
ادينا بنقول يارب وربنا يستر لان الواحد على اخره
وكل يوم فيلم جديد معرفش هلاقيها
من الكليه ولا من ايه ولا ايه
وبيقولوا اخر سنه واخر بتاع
اخر سنه وبيمرمتونا فيها وبيعقدونا
ومن ضمن النكت اللى سمعتها اخر يوم فى الكليه الظريفه
ان بعد التدريب اللى اخدناه طول الصيف وبهدله الحر دى
وقال ايه يا ولاد
ان العميد مش موافق على الشركه دى
ومش قابل اى تدريب جاى منها


ليـــــــــــــــــــــــــــــــــــــــــــــه بقى؟؟
اقول ليكم ليه
لان عميد الكليه عايز 20000 جنيه من الشركه
علشان يوافق على اننا ادربنا فيها
وصاحب الشركه مش عايز يدفع
مبروم على مبروم ميرولش
يعنى كله بيشتغل كله
طيب احنا ذنبنا ايه
لما يكون زى ما سمعت 200 طالبه وطالب ادربوا فى الشركه دى
وكل واحد دفع 1000 جنيه ومش عايز يدفع ليه الفلوس
وعميد الكليه راسه والف شوز انه مش ماضى على الموافقه
الا لما يجى يعتذر ليه ويقدم السماح والرضا وطبعا معاه المنى
طيب دى حاجة تحرق الدم ولا لا


حاجة كمان عايزه اتكلم فيها
هى ليه الناس غاويه غموض
وتلبسلك مليون وش وهى بتتعامل معاك
وفكراك بتبقى مش فاهم بيدور جواهم ايه ولا بيفكروا ازاى
انا اعرف انه من الغباء انك تستغبى اللى قدامك
لان بسهوله اوى يكشف فى دماغك ايه ولو هو مكشفش دا
المواقف بتكشف وبتبين الخداع على اصله

نفسى الناس تبقى واضحه كدا وصريحه وبلاش حتت الاقنعه دى
اصلها بتجيب لى حساسيه


مش خلص الكلام

سلام
اموشن حد عامل 111 ومش طايق يفتح كتاب
ومفيش صور المره دى كمان
:(