OLiVeTrEe

welcome to my Blog

مين يستاهل كدااا؟؟؟





السلام عليكم ورحمه الله وبركاته

ازيكم ازيكم ازيكم
الكلام دا المفروض كنت اقوله من اسبوع فات
بس ما علينا

امممممممممممممممممممممم
الصوره دى لما شوفتها فكرتنى بمجموعه من الناس
مين بقى يستاهل كدا؟؟؟
فى ناس كدا كلمه توديها و كلمه تجبها
كلمه تخليها مقتنعه جدا بدماغك وتفكيرك وكلامك

وكلمه تخليها تقلب عليك وتقول فى حقك كلام وحش

وتمسك فى كلام حد تانى تمدح فيه

كلمه تخليها فى قمه سعادتها وكلمه تخليها تقلب على كل الناس

فى كل حاجة وتعمل 111 فى وشها وحاجة كدا ياساتر
انا مش بقصد الناس العصبيه لا انا بقصد الناس اللى مش بتعرف
تاخد قرار ولا كلمه وتثبت عليها
نقول عدم ثقه فى نفسها الشخصيات دى
حتى لو كدا ما تغامر وتجرب مش هتخسر حاجة
بدام مش هتوصل لحد التهور وبدام مش بضر حد


اما بقى كلمه اصل انا مش عارف اصل انا مش فاهم

اصل انا خايف وطيب واخرتها

هتفضل مش عارف ولا فاهم و خايف

لحد امتى طيب ؟؟؟

مين كمان يستاهل كدا ؟؟؟

الناس اللى غاويه تجادل فى كل حاجة واى حاجة وفى اى وقت
مينفعش الجدال فى كل شىء(من قال لا اعلم فقد افتى)
بس تعالو منخلطش ما بين الجدال وما بين ابدا الرأى ليك

حق تبدى رايك فى كل شىء بمنتهى الحريه بس يبقى متأكد

انك على صواب على الاقل عقلك يبقى مدرك الكلام

دا مش اى كلام وخلاص (ولا هو خالف تعرف)


كلنا متفقين ان الدين والسنه والاحكام مفيش حد يقدر

يتناقش فيها ابدا ولا وضع نقاش او اعتراض من حد

الا بقى لو كنت رجل دين وتقدر تطلع افتى من عندك
اما باقى الاتجاهات والمواضيع اكيد ينفع المناقشه فيها

وانك تعبر عن رأيك بس بالعقل ( خبط بالعقل ...D: )


مين كمان يستاهل كدا؟؟؟

الناس اللى بتفكر فى نفسها وبس ومش بتشوف حد تانى

غير نفسها ومصلحتها رغم ان الحياه مشاركه يعنى شارك

الناس حياتهم فرحهم حزنهم كل اوقاتهم هتتعلم منهم هتتعلم

منهم فى حياتك كتير اوى


بس الاهم من مشاركه الناس فى حياتهم هى أنك تكون كاتم

اسرار ومصدر ثقه ومش معنى ان الناس بتحبك تخون

ثقتهم فيك او تتبلى عليهم بكلام باطل...


مين كمان ؟؟؟


الناس اللى مش بتقبل العتاب من حد وكل حاجة تاخدها

بالزعل وانه هو ملاك ومش بيغلط
ياعم الحج يا ست الحاجة كلنا بشر وبنغلط وبنتعلم من غطلنا
فيها ايه لو ان حد عاتبك حتى لو محستش بالتقصير دا

قوله معلش حقك عليا
(دا بيعاتبك يعنى بيحبك )
حافظ على حبه ليك بالعقل
(خبط برضوا بالعقل ..)

بس خلاص
خلص الكلام دلوقتى
ولكن لم انتهى بعد
فمازال القلب ينبض ...

دمتم فى سعاده :)

سلامى

8 تعليقات اجمد ناس:

halaS demahoM يقول...

\\
مين كمان يستاهل كدا؟؟؟
\\
بعد كل ده
اعتقد مفيش حد ميستحقش
انتي جيبتي كل الناس

كله هيدخل ينتقدك
واللي هيدخل ومينتقدش
يبقي مش شايف نفسه في اي واحده من دول
وده نوع لوحده كده
بيضحك علي نفسه وده كمان يستاهل كده

شكرا ع الموضوع
بس انتي كده قرصتي كل الناس
س ل ا م ي

اقصوصه يقول...

كل انسان وله مستولا تفكير معين

والواحد لازم يتعامل مع الناس

حسب مستوى تفكيرهم

وحسب درجة تطور عقولهم :)

morgana يقول...

صباح/مساء الخير حسب التوقيت المحلي لمدينة القاهره

/ياعم الحج يا ست الحاجة كلنا بشر وبنغلط وبنتعلم من غطلنا
/
عليكي نور اديكي قولتيها

بس طبيعي يعني ان وجهات النظر بتختلف وشخصية كل واحد بتبقي مختلفه عن التاني
اي نعم في ناس بتزودها حبتين بس هنعملهم ايه؟(ننفضلهم طبعا)

لانك لو قرصتيهم في خدهم زي الصوره مش هيجيب معاهم نتيجه

صاحب رأى يقول...

نسيتى ناس تستاهل اكتر من كدا

الحكومة
كعلش ممكن اوديكى فى داهيه بالطريقه دى
ووتكتبى بقى بوست انى استاهل كدا :D

المهم انا قولت رأيى
تحياتى

OlivE يقول...

juegth night

//
بعد كل ده
اعتقد مفيش حد ميستحقش
انتي جيبتي كل الناس
//

لالا
مش كله ولا حاجة ياباشمهندس فى ناس كتير مش فيها الصفات دى فيها صفات تانيه
D:

انا مقصدتش ان كل الناس وحشه
نهائى
انا شوفت ناس كدا واتعملت مع ناس كدا وبتكبر حاجات كتير لانها بتبقى عايزه تتقرص علشان تبطل تشتكى او تقول انا مظلوم لانه ببساطه هو اللى ظالم نفسه



//
كله هيدخل ينتقدك
//
يا مرحب باى نقد :)


//
واللي هيدخل ومينتقدش
يبقي مش شايف نفسه في اي
واحده من دول
وده نوع لوحده كده
بيضحك علي نفسه وده كمان
يستاهل كده//

كلنا بنغلط
ومين قال انى مذكرتش نفسى فى واحده من الحاجات دى او ذكرت ناس تانيه
انا بجيب الكلام دا من معاملتى مع الناس مش من دماغى
ولو كل واحد فكر مع نفسه لو لدقايق يقرص نفسه نفس القرصه دى دا لو معملش حاجة تانيه



//
شكرا ع الموضوع
//

العفو يا باشمهندس
ميرسى كتير على ردك
:)

//
بس انتي كده قرصتي كل الناس
//
:)
معلش بقى استحملونى
سلامي

OlivE يقول...

اقصوصه

اولا لازم نرحب بكل اهل الامارات لو كان فعلا حضرتك من الامارات

ثانيا بقى نرد على تعليق حضرتك :)

//
كل انسان وله مستولا تفكير معين
//
لا انا هنا مش بقصد مستوى تفكير بس حد لما بيحلم مش بيقول مستوى تفكيرهم انا بتكلم هنا على مواقف بنقع فيها
ومش بنعرف نخرج منها لازم ساعتها نتصرف مش ندور حد يحل لينا مشاكلنا ونعتمد على حد طول عمرنا فى حياتنا


//
والواحد لازم يتعامل مع الناس
حسب مستوى تفكيرهم
وحسب درجة تطور عقولهم :)
//
تمام يا فندم
بس انا مقصدش انى اعيب الناس
انا اقصد ان كل واحد يفكر ازاى يغير نفسه لافضل حال هو يتمنى يكون فيه
:)

وكلامى دا بقوله لنفسى قبل ما اقوله لاى حد ولازم اكون مقتنعه بيه تمام قبل ما اكتبه او اناقشه مع حد


نورتى بجد وتحياتى لحضرتك

سلامى

OlivE يقول...

morgana

//
صباح/مساء الخير حسب التوقيت المحلي لمدينة القاهره
//
مساء الفل عليكى بتوقيت بلدى ياشيخه القاهره ايه مفيش احلى من هنا P:


//
بس طبيعي يعني ان وجهات النظر بتختلف وشخصية كل واحد بتبقي مختلفه عن التاني
//
اى نعم يا جميله D:

//
اي نعم في ناس بتزودها حبتين بس هنعملهم ايه؟(ننفضلهم طبعا)
//
احنا كدا نفضنا كتير
مش هنمسح بقى P:
تعبنا من اكتر التنفيض عندى حساسيه من التراب الكتير دا

//
لانك لو قرصتيهم في خدهم زي الصوره مش هيجيب معاهم نتيجه
//
ممكن نعملهم بطرق تانيه بقى يا جميله
بس فعلا
وحقا
واكيدجدا
لا حياه لمن ينادى

بس ادينا بنحاول
ويكفينا شرف المحاوله

نورتى حبيبتى

سلامى

OlivE يقول...

صاحب رأى

//
نسيتى ناس تستاهل اكتر من كدا
//
انا نسيت ناس كتير

//
الحكومة
//
نعم
سورى
مش سامعه حضرتك
لالالالالالالالالالالالالا
الخط مش واضح كمان
:)

//
معلش ممكن اوديكى فى داهيه بالطريقه دى
ووتكتبى بقى بوست انى استاهل كدا :D
//
لا حضرتك ولا داهيه ولا حاجة
هيقفلوا ليا البلوج بس
ومش هرش ميه كل يوم قدام البلوج


الحكومه مش محتاجه قرصه بس
دى محتاجه نقفلها بسكينه وهنجبها من محل مورجانه بتاع البطيخ

//
المهم انا قولت رأيى
//
حضرتك تقول رأيك فى أى موضوع طبعا
وليك الحق انه يحترم


انا اقصد هنا فى البلوج
غير كدا
انا لا اسمع لا ارى


سلامى