السلام عليكم ورحمه الله وبركاته
صباح الخير :)
عمرك حلمت حلم لنفسك ولقيته بيتحقق لغيرك
بنفس الاحداث اللى حلمت بيها بغض النظر عن
تفاصيل المواقف
عمرها حصلت ليك؟؟؟
عمرها تحصل اساسا ؟؟؟
يتهد حلمك علشان بنيته جواك ومحدش عرفه غيرك
يتهد حلمك علشان صبرت ليتحققلك؟
يتهد حلمك ويضيع علشان يكون لغيرك؟؟
هل الاحلام بتتوهب؟
هل خوفك لتبوح بحلمك يخلى حلمك يضيع منك؟؟
عمرك أتمنيت حاجة وتانى يوم لقتها بقت متحققه لغيرك؟؟
أه مش كل الاحلام بتتحقق على أرض الواقع
بس صعب يضيع حلمك وأنت من جواك
بتموووووووووووووووت عليه؟؟
ولا ايه؟؟؟
يمكن الاحلام بيكون مفتتح ليها خيالك جدا
وممكن يوسعها ليك جدا بس فى الاخر الحلم دا
بيمس حاجة جواك نفسك فيها
وتحصلك فى حياتك
وكتير من الاحلام بيتحقق لاحساسك بيها
وتواجدها جواك .... ممكن تتحقق
حلم بقى فى دراستك فى شغلك
فى اسرتك لنفسك لحاجة خاصه بيك
لعلاقاتك مع الناس من حواليك
لمنصب معين نفسك توصل ليه
اه ممكن يحصل وتحلم حلم
وميتحققش ليك
بس يتحقق قدامك لغيرك بالظبط؟؟؟
شويه كلام كدا جه فى بالى من كام يوم
باب مفتوح للمناقشه
واللى حابب يقول وجه نظره
البلــــــــــــــــــــــوج مفتوح
:)
سلامى
.
.
+++++++++++++++++++
اللى فات كان الموضوع
نقول رأينا بقى
اه سهل تحلم حلم وتلاقيه بيتحقق لغيرك
بس اللى مش تمام اوى انه يتحقق ليه ومش ليك
بمعنى انها فرصه انه يتحقق لشخص واحد ليك او ليه
بس صعبه انها تتحقق بنفس الاحداث الا فى التفاصيل
عارفين ليه ؟؟
لان ظروف الانسان بتختلف من شخص للاخر ..
الاحلام حق لكل مواطن p:
الاحلام حق لكل انسان طبعا
بس معظمنا بيخبى حلمه جواه ومش بيحب حد يعرفه
الا الناس القريبه اوى لقلوبنا وبس مش خوف منهم
على قد ما هو خوف من الحلم دا مش يتحقق ولانك
بتتمنى تشوفه متحقق ليك بدل ما يكون مجرد حلم
ساعتها هتحس بانتصارك وقوه تحملك وصبرك
لحد ما يحصل ليك وطبعا ساعتها محدش هيكون قدك ..
الاحلام بتضيع منا لانها مش من نصيبنا ومهما زعلنا عليها
خلاص بقى امر واقع انها مش من نصيبنا
ممكن يكون دا خير لينا
او ابتلاء من الله بيختبر بيه قوه صبرنا
الاحلام بقى اللى فعلا بتتحقق
الاحلام اللى انت جريت عليها
وخلتها هى هدفك الاول
علشان كدا اتحققت
بس فى نوع من الاحلام مينفعش انك انت تجرى عليه
او تستعجله بيبقى ليه وقته وآوانه ميعرفوش غير الله عزوجل
دمتم فى حفظ الله
:)
6 تعليقات اجمد ناس:
مش عارف
يمكن غريبة طبعا
بس يمكن تخاطر بردو
نوع من التخاطر
وبعدين احلامنا بقت متشابهة دلوقتى الا حد ما
\ يتحقق قدامك لغيرك بالظبط؟؟؟\
ايوه ساعات بتحصل بغض النظر عن انها احلام كبيره او صغيره. بس غيرى الى اتحققله الحلم الى كنت بحلم بيه ده مفرحش بيه لانه مكنش فى خياله اصلا فبيعتبره حاجه عاديه بس تصدقى ساعات بتبقى ميزه ليه بقى لان ده ممكن يغير وجهة نظرى لحاجه تانيه وافكر انا كنت عايزه الحاجه دى ليه ممكن وقتها اصرف نظر عنها وافكر فيها من ناحيه تانيه لانى شوفت حلم حلمته بقى واقع بس فى مكان تانى
الحمد لله على كل حال:)
تقبلى مرورى
مابحلمش وانا نايمه غير نادرا وبتبقي حاجات مش مفهومه كده(عشان نحرم نتقل في الاكل قبل النوم:D)
بس وانا صاحيه باحلم او باتخيل
بس اكيد لو حاجه كويسه هابقي فرحانه وانا باشوفها بتتحقق قدامي سواء ليا او لغيري
وبعدين في سيرة الاحلام دي فكرتونا بالنوم اللي هو اصلا ما بيتنسيش (:|
!! a7mad sala7 !!
//
يمكن غريبة طبعا
//
ما غريب الا الشيطان
//
بس يمكن تخاطر بردو
نوع من التخاطر
//
لا مش نوع من التخاطر
لان الشخص التانى محلمش بالحلم دا
بس كان من نصيبه انه يتحقق ليه
//
وبعدين احلامنا بقت متشابهة دلوقتى الى حد ما
//
اه ممكن تكون الاحلام فعلا بتتشابه من شخص لاخر بس مش فى نفس الوقت او نفس التفاصيل
:)
انشودة
//
الحمد لله على كل حال:)
//
الحمد لله
انا معاكى فى كلامك فعلا
وكنت هقول كدا فى التحديث بس انتى سبقتينى بيه
نورتى
ولازم نتقبل مرورك طبعا
سلامى
:)
morgana
صباح الخير الاول بتوقيتك انتى طبعا
//
مابحلمش وانا نايمه غير نادرا وبتبقي حاجات مش مفهومه كده(عشان نحرم نتقل في الاكل قبل النوم:D)
//
اه طبعا انتى هتقوليلى D:
بيبقى ايه بقى ياستى
عقلك الباطن بيخلط ما بين حاجات كتير بتفكرى فيها وعلشان كدا مش بتفهمى الحلم المقصود منه ايه
//
بس وانا صاحيه باحلم او باتخيل
بس اكيد لو حاجه كويسه هابقي فرحانه وانا باشوفها بتتحقق قدامي سواء ليا او لغيري
//
طول عمرك قنوعه يابنتى p:
طبعا عندك حق وكفايه ان حلمك بيتحقق مش مهم لمين
اكيد ربنا بيعوض الحلم دا بحاجه تانيه حقيقه
//
وبعدين في سيرة الاحلام دي فكرتونا بالنوم اللي هو اصلا ما بيتنسيش (:|
//
هو انتى بتصحى ليه اصلا
كل ما اكلمك تجيبى سيره النوم
ايه يابنتى دا
اشربى قهوه كتير
برضوا هتنامى انا عارفه p:
منوره يا سكره
سلامى
إرسال تعليق