//
فى خيط ضعيف رابط ما بينا ودا النصيب
هتخاف عليه هخاف عليه هتسيب هسيب
//
طبعا المعظم منكم لو بيسمع اغانى
عارف ان دى اغنيه جنات
وبعيدا عن ان الكلام دا ممكن يكون من حبيبه لحبيبها
بس انا شيفاها من منطلق تانى
هل فعلا ممكن الصداقات والعلاقات ما بين البشر توصل لحد
ان الخيط يبقى ضعيف اوى وممكن شويه رياح ولو
بسطيه تنهى العلاقه دى
تتخيلوا كدا
لو انت وصاحبك وشويه زعل بسيط يخليك تقول لا كفايه
كدا وسبنى فى حالى وروح انت لحالك
او ما بينك وبين حد قريبك
او بينك وبين اخوك
( اه بتحصل ما بين الاخوات وبتبقى مشاكل
تقشعر لها الابدان )
//
لو انت مش عايز نهايه
ولسه همك الحكايه
صبر قلبى بلمسه
احس ان انت قريب
انت الشمس
بس خلاص
قربت تغيب
//
ممكن تيجى على حالك
علشان تحافظ على علاقتك مع حد فى حياتك
ممكن تميل ولو شويه علشان الخيط دامش يتقطع
ممكن تيجى على كرامتك
ممكن تيجى على حقوقك
ممكن تيجى على نفسك
طيب مين اللى يستاهل تعمل كدا علشانه ؟؟
كتير منكم هيقول ولا حد انا اهم حاجة عندى هو نفسى
وناس تانيه تقولك انا بحب كل الناس وقادر استحمل كل الناس
هرد على الاول انك انانى بمعنى الكلمه
وهرد على التانى انك متحبش حد لان العلاقات الطيارى
دى ملهاش اى اساس فى حياتك او من قلبك يعنى لو حد
قبلته النهارده اخدته بالحضن بكره
هتكون ناسى اسمه
انا مقولتش اكره الناس بس فرق ما بين العلاقات الصادقه
اوى اللى مينفعش
تتنازل عنها ولو لدقيقه والعلاقات اللى فى اوقات الفراغ دى
صبر قلبى...
فعلا صبر قلب اى حد انت قريب منه بكلمه حلوه
بمعامله حلوه بخوف عليه ونصيحه منك ليه
هى دى الاخوه والصحوبيه والحب اللى بتكلم عنه
مش كلام اغانى ولا قصايد نغنيها على بعض
//
حاجات كتير سبناها
ضاعوا خلاص وبقوا ذكريات
وسننا اللى تعبنها
مفضلش منهم غير لحظات
لحظات بتهدد حكايتنا
لنحن يا نعلن نهايتنا
بايدك الخيط يقوى فى لحظه والجرح يطيب
او تضعف واضعف ونسلم وتسيب وانا اسيب
//
تصور بقى لو وصل الوضع ما بينك وبين
صاحب ليك دامت معرفتك بيه سنين
اللى الفراق هتتنازل وتقوله لا احنا رايحين فين
احنا مينفعش نكون فى الموقف دا
هتراجع نفسك ولا هتركب دماغك وتقول يجى
احسن منه
سورى يعنى انت عبيط لو فكرت فى كدا لان اللى
يضحى بصداقه سنين هيهون عليه صداقه ايام
ويبعها بارخص ما عنده وهو التطنيش
خلى الجرح يطيب
اوعى تسلم علشان الخيط ما يسيب
وتبقى لوحدك ومش هتلاقى معاك
غير ندمك وبس
حاول تسامح الا فى حاجة واحده بس
مجيش على كرامتك مهما كان
دى اهم شىء فى الدنيا كرامتك وبس
//
فى خيط ضعيف رابط ما بينا ودا النصيب
//
دايما فى حاجة بترجعنا عن اللى فى دماغنا
ممكن ناخد بالنا منها ونفكر فيها
وممكن نطنشنا بشىء من الاستهتار
شويه كلام على الماشى
دمتم فى حفظ الله
وربنا يديم عليكم الفرح والاعياد
