OLiVeTrEe

welcome to my Blog

قدرى والحمد لله


السلام عليكم


الحمد لله رجعت بيتنا

دا اقل حاجة ممكن اقولها بجد الحمد لله


امبارح المفروض كان يوم الهندسه المصرى

فى الاول كنت مصممه انى اروح وخاصا ان فى بنات هتكون موجوده

وحابه اقضى اليوم معاهم

وبعد كدا حصل موضوع ان النت فصل اسبوع ومكنتش اعرف اى اخبار جديده عن الرحله

ولما رجع النت ولقيت ان كل الناس اشتركوا ومحدش اتصل ولا عرفت حاجة

بصراحة

قولت مش طالعه واضيقت من الموقف

ورجعت تانى قولت لا بدام فيها رحله وتصوير وتغير جو وخاصا ان خلاص مفيش دراسه تانى

وفى ناس كتير ممكن مش اشوفهم تانى قولت خلاص اطلع وخلاص

ولحد يوم الاحد الساعه 11 بليل ولا كنت حضرت اى حاجة ولا عارفه هعمل ايه بكره

وكان عادى ولا فى دماغى

يوميها معرفتش اها نهائى وكتبت الاستيتس دى الساعه 2 بليل على الايميل



والساعه 7 الصبح حصل اللى حصل

بصراحة انا مش حابه افتكر ولا احكى لانى كل ما بفتكر بتعب

ولحد دلوقتى مخضوضه جدااااااا ومش مصدقه اللى حصل

هو كل اللى حصل بالظبط

انى شنطتى اتسرقت فى وسط الشارع وفى ناس واقفه
اةةةة بقى عادى الموقف دا يحصل متستغربوش نهائى

وكان تقريبا الحاجات اللى فيها ممكن تعمل 1200 جنيه

بس بجد انا مزعلتش عن اى حاجة ضاعت

انا بس اللى ضيقنى الكاميرا بس

كل حاجة تهون بجد الا الكاميرا :(


بصراحة انا فكرت ارجع واخويا قالى ارجعى بس انا لو رجعت كان اليوم هيبقى درامى بحت
علشان كدا اصريت انى اروح واكمل مهما حصل علشان مش حابه اضايق اللى فى البيت



كان نفسى اليوم ينتهى زى ما كنت اتمنى بس الحمد لله

وقدر الله وماشاء فعل


اكتر المواقف اللى ضحكتنى فى الرحله

كل ما حد يسألنى عن حاجة أرد

كان معايا

كان معايا فى الشنطه

كان معايا


مبسوطه انى شوفت ناس كتير من الكليه امبارح

وكان نفسى اتعرف على كل الموجودين

بس الحمد لله

دا قدرى وانا راضيه بيه
هسيب التعليقات مفتوحه علشان فى ناس بتزعل لما بقفلها :)
سلامى

6 تعليقات اجمد ناس:

The illusionist يقول...

الله

ده واضح انو كان يوم جميل بالنسبه ليكى

حاجه مبشره

مش رايحه اليوم ده ولا اى يوم شبهه

بلاش هندسه ولا مصرى

بس هقتل مرجانه

ده اول واخر طلب ليا ممكن اعمله

OlivE يقول...

معلش خليها عليك

احنا داخلين على رمضان والمسامح كريم

OlivE يقول...

بالنسيه لليوم
نو كومنت بصراحة خالص

عن نفسى كنت فى حاله صدمه لحد دلوقتى والله

The illusionist يقول...

ده اكيد

الف ومتين جنيه

فى رحله

حرام عليكى

مكنش لازم تشيلى ممتلكات بالقيمه دى
بس معلش

بس لو شوفتيها بس

قوليلها تحاسب على نفسها

واحده كانت معاكم بتلعب فى الميه يقول...

ههههههههههههههههه
كل ما افتكر امبارح يجيلى احساس غريب
فاكره اللى عاملناه فى الازهر بارك؟
انا مش هسيح خالص
مش انا لما نزلت من الاتوبيس و جيت اروح التاكسى كان هيدخل فيا
اجيلك بعدين لما افوق اصل لسه ما نمتش

OlivE يقول...

واحده كانت معاكم بتلعب فى الميه

//
فاكره اللى عاملناه فى الازهر بارك؟
انا مش هسيح خالص
//
احم احم
ما بلاش احراج بقى
كفايه لحد كدا
انتى عايزه تقولى اكتر من كدا ياااااا ولابلاش


//
مش انا لما نزلت من الاتوبيس و جيت اروح التاكسى كان هيدخل فيا
//
بعد الشر عليكى يا حبيبتى
خدى بالك يا نايمه على نفسك على طول

//
اجيلك بعدين لما افوق اصل لسه ما نمتش
//
تنورى يا جميل