OLiVeTrEe

welcome to my Blog

شوية................


السلام عليكم ورحمه الله وبركاته




مش سهله انك تأسى على نفسك بأيدك
مش سهله أنك تفقد أحساسك وتتسرق أحلى أبتسامه منك
مش سهله تتوه ومتعرفش انت مين
مش سهله تتخان وانت مسلم وصادق مع اللى خانك
مش سهله تأسى على اقرب الناس ليك علشان خايف ليرفضوا حبك
مش سهله انك تستغرب كلمه تسمعها وفات على وقتها سنين
مش سهله انك مبتسم لكل اللى حواليك وتلاقى رد الفعل جرح يهدك
مش سهله تتكلم بصراحه وصدق ويقابل كلامك خداع وكدب
مش سهله الناس توصفك باللى مش من صفاتك
مش سهله تتصدم ومطلوب منك يكون صوتك هاتفا للأمل والتفائل
مش سهله تتمنى الارقي و الافضل وتتصدم بالاعنف والاسوء فى حياتك
مش سهله تتعامل مع الناس بمنتهى الاحترام والحب والنيه الحسنة ويقابل دا الكدب والخيانه والنميمه والغيبه فى حقك



كان فى بالى كلام تانى اقوله بس اظاهر ان مبقتش قادره اكتب حاجة او افسر حاجة

عارفين حاله ال side effect فى نشره الدواء بتسمى الاثار الجانبيه
يعنى كل حاجة بنعتبرها بتساعدنا اننا نكمل حياتنا مش لازم تكون كل تأثيرها ايجابى ممكن تأذى شىء تانى
لمجرد انها تقوم بدورها فى علاج شىء معين
كتير اوى بحس الحاله دى وبحس ان وصل معايا الحال ان كل اللى بوصل ليه هو التأثير السلبى بس ومش بحس بالتأثير الايجابى وخاصا لو فكرت مع نفسى لفتره كبيره

حالة ......... مش عارفه احددها بالظبط ايه بس
كل ما تحاولى تكونى ماشيه فى حياتك فى خط مستقيم
تظهر حاجة تخليكى ترجعى تفكرى فى اللى فات
وتقفى فى وسط الطريق ما بين نظره للخلف ونظره للامام
مابين الرجوع لنقطه البدايه او الوصول للنهاية

يـــــــــــــــــــــــــــــــــــــــــارب لك الحمد فيما ينبغى لجلال وجهك وعظيم سلطانك

دمتم فى سلام

8 تعليقات اجمد ناس:

ShiMOo يقول...

مش عارفه ارد عليكي واقولك ايه !!!

بس انتي اكيد حاسة باللي عايزه اقوله

OlivE يقول...

ShiMOo

//
بس انتي اكيد حاسة باللي عايزه اقوله
//
yes i know
:)

NeVeN يقول...

مش سهله انك مبتسم لكل اللى حواليك وتلاقى رد الفعل جرح يهدك

دةبقا اللى مش سهل ابدا

بصى
هى الدنيا كدة مش بتدينا فرصة اننا نعيش طول الوقت على مزاجنا
ولازم تكونى متوقعة الاثار الجانبية فى اول كل حاجة بتعمليها

ربنا معاكى
حاسة ان جواكى حاجات كتير متلغبطة

مساءك وردى

morgana يقول...

ده ايه البني ادمين اللي تجيب الاستبحس النفساوي دول:(

OlivE يقول...

NeVeN

//
ربنا معاكى
//
يـــــــــــــارب :)


//
حاسة ان جواكى حاجات كتير متلغبطة
//
جدا جدا جدا جدا جدا
فوق ما تتصورى :(


//
مساءك وردى
//
مساء الجمال :)


نورتينى فى اول تعليق ليكى :)

OlivE يقول...

morgana

//
ده ايه البني ادمين اللي تجيب الاستبحس النفساوي دول:(
//
:(
خليها عليكى شويه :(



وكمان ايه الناس اللى صاحيه بدرى دى ونشيطه كدا وفاتحه الجهاز من 8 الصبح
ايوه يا عم يابختك :)

OlivE يقول...

MOROOOO يقول...

\\ كل ما تحاولى تكونى ماشيه فى حياتك فى خط مستقيم
تظهر حاجة تخليكى ترجعى تفكرى فى اللى فات
وتقفى فى وسط الطريق ما بين نظره للخلف ونظره للامام
مابين الرجوع لنقطه البدايه او الوصول للنهاية

طب وليه ما نعملش نفسنا مش شايفين الحاجه دى اصلن ومنخليش حاجه توقفنا
اول زياره ليا وان شاء الله مش الاخيره :)

OlivE يقول...

MOROOOO

اولا نورتينى فى اول تعليق ليكى فى مدونتى المتواضعه

معلش انتى نسيتى وعلقتى فى الموضوع اللى بعده


//
طب وليه ما نعملش نفسنا مش شايفين الحاجه دى اصلن ومنخليش حاجه توقفنا
//
كلامك تمام اوى
بس بطبعنا مش بنتغير من يوم وليله
وكمان بطبع الانسان انه يفتش فى اللى فات مش حبا فيه بس للتعلم مش اكتر
لولا الماضى واللى حصل فيه مكناش بقينا موجودين دلوقتى هنا
انا من رأيى نظرتنا للماضى حاجة متقلش أهميه لنظرتنا للمستقبل
بس بغرض التعلم واننا لو غلطنا فى موقف زمان منسمحش لنفسنا اننا نغلط فيه دلوقتى

نورتينى

سلامى