:)

10 تعليقات اجمد ناس:

كيكى عوووووو يقول...: مشهد حلو اوووووووووووى
ياه لو يتعمل فيلم بجد
تبقى قصة رومانتك موت; الأحد, مارس ٠٧, ٢٠١٠ ٨:٣٥:٠٠ م
ShiMOo يقول...: يااااااااااه بجد مشهد تحفه
تخيلي لما توصلي مع اللي قدامك لمرحلة تبقوا مش محتاجين فيها الكلام ولا حتى النظرات .... الحياه هتبقى عامله ازاي بقى ؟؟؟ :); الأحد, مارس ٠٧, ٢٠١٠ ١٠:٣٣:٠٠ م
OlivE يقول...: كيكى عوووووو
//
مشهد حلو اوووووووووووى
//
جدا جدا
انا اكتر حاجة عجبانى فيه
انها بملامح وجهها بينت كلمها واحساسها
وهو وصلها كلامه بابسط الطرق :)

نورتينى; الاثنين, مارس ٠٨, ٢٠١٠ ١٢:٢١:٠٠ م
OlivE يقول...: ShiMOo

//
يااااااااااه بجد مشهد تحفه
//
أى نعم D:

//
تخيلي لما توصلي مع اللي قدامك لمرحلة تبقوا مش محتاجين فيها الكلام ولا حتى النظرات
//
يا سييييييييدى

//
الحياه هتبقى عامله ازاي بقى ؟؟؟ :)
//
لما هجرب اقولك
بس بجد هتبقى احلى حياة

حمد الله على سلامتك يا توتى
ويارب اشوفك قريب وانتى بخير

سلامى; الاثنين, مارس ٠٨, ٢٠١٠ ١٢:٢٣:٠٠ م
سلطان الاسيوطي يقول...: هقول ايه ممثلين
ولازم ننخدع بتمثيلهم

\\
تخيلي لما توصلي مع اللي قدامك لمرحلة تبقوا مش محتاجين فيها الكلام ولا حتى النظرات
\\
ربنا بيدينا نعم كتير
وللاسف مبنحسش بقيمتها غير لما تروح مننا
احمدي ربنا علي اللي انتي فيه

\\
الحياه هتبقى عامله ازاي بقى ؟؟؟
\\
اكيد هتقضيها حقد علي الناس
وسخط من قضاء ربنا
وليه انا اعمي والناس بتشوف

يا سبحان الله عــ الناس

محدش عاجبه حاله ابدا

س ل ا م ي; الاثنين, مارس ٠٨, ٢٠١٠ ٣:٢٦:٠٠ م
ShiMOo يقول...: @ سلطان الاسيوطي

\\هقول ايه ممثلين
ولازم ننخدع بتمثيلهم\\

ماهم بيمثلوا حاجه ممكن تحصل مش بيقولوا اوهام
هو الموقف ده مش ممكن يحصل في الواقع ؟؟
ياترى الاتنين اللي فيه هيتصرفوا ازاي ؟
أيا كان هما عايزين يقولوا ايه يعني

\\ربنا بيدينا نعم كتير
وللاسف مبنحسش بقيمتها غير لما تروح مننا\\

انا معاك ان في نعم كتير مش بنحس بقيمتها الا لما تروح منا
لكن في نعم بنبقى عايشين طول عمرنا نحمد ربنا عليها

\\احمدي ربنا علي اللي انتي فيه\\

الحمــــدللــــــه
وبقولها قبل ما حضرتك تلفت نظري ليها

\\اكيد هتقضيها حقد علي الناس
وسخط من قضاء ربنا
وليه انا اعمي والناس بتشوف\\

مش كل الناس ايمانها ضعيف وهتتصرف بالشكل ده
في ناس كتير ربنا ابتلاها بأكتر من كده وصابرين وبيحمدوا ربنا برده

\\محدش عاجبه حاله ابدا\\

اه فعلا معظم الناس مش عاجبها حالها
ربنا يزرع في قلوبنا الرضا; الاثنين, مارس ٠٨, ٢٠١٠ ٥:٢٤:٠٠ م
halaS demahoM يقول...: \\
هو الموقف ده مش ممكن يحصل في الواقع ؟؟
\\
استحاله طبعا
الناس دي بتبقي عارفه امكانيتها كويس اوي
وعارفين ممكن يعملوا ايه وممكن ميعملوش ايه
تخيلي كده بيت الراجل فيه مبيتكلمش ولا بيسمع والست فيه مبتشوفش
بكل المقاييس اكبر المتفائلين ممكن يقولك ان البيت ده مش هيستمر اكتر من سنه
مش عشان الموسيقي اللي في المشهد حلوه يبقي الدنيا بيس
بالعكس الدنيا مش بيس خالص هنا

\\
مش كل الناس ايمانها ضعيف وهتتصرف بالشكل ده
في ناس كتير ربنا ابتلاها بأكتر من كده وصابرين وبيحمدوا ربنا برده
\\
هههههه
حلو الكلام
بس اعرف الاول اتقال علي اساس ايه؟
هل ليكي حد صاحبك اوي
مبتلي بكده وقال كده؟
ولا هو الكلام المثالي مفيش احلي منه
مهما كان الايمان قوي
اكيد كل واحد بيمر عليه وقت بيبقي مش طايق نفسه فيه
ومهما الناس دي تظاهرت بانهم في افضل حال
فهما مش في افضل حال
والحمد لله الذي عفانا مما ابتلي به خلقه; الاثنين, مارس ٠٨, ٢٠١٠ ٦:١٨:٠٠ م
ShiMOo يقول...: Imagine That@

\\
هو الموقف ده مش ممكن يحصل في الواقع ؟؟
\\
استحاله طبعا
الناس دي بتبقي عارفه امكانيتها كويس اوي
وعارفين ممكن يعملوا ايه وممكن ميعملوش ايه
\\

بس هي مكانتش تعرف انه لا بيسمع ولا بيتكلم وهو مكنش يعرف انها مبتشوفش
وانا مكنتش بتكلم على الناس دي حياتهم هتبقى عامله ازاي لو حبوا بعض ولا اتجوزوا
انا اللي عجبني انهم قدروا يوصلوا هما عايزين يقولوا ايه لبعض "أيا كان هو ايه" برغم من ظروفهم

\\
مش كل الناس ايمانها ضعيف وهتتصرف بالشكل ده
في ناس كتير ربنا ابتلاها بأكتر من كده وصابرين وبيحمدوا ربنا برده
\\
هههههه
حلو الكلام
بس اعرف الاول اتقال علي اساس ايه؟
هل ليكي حد صاحبك اوي
مبتلي بكده وقال كده؟
ولا هو الكلام المثالي مفيش احلي منه
\\

اولا انا مش شايفه اي حاجه في كلامي تستدعي ضحك حضرتك

ثانيا اه عندي واعرف ناس ربنا ابتلاها اوي في صحتها ومع ذلك صابره وراضيه
واحنا بشر يعني ممكن الواحد يضعف وييجي عليه وقت يبقى من جواه متضايق "بس مش متمرد ولا غضبان من ابتلاء ربنا"

\\
ولا هو الكلام المثالي مفيش احلي منه
مهما كان الايمان قوي
\\

ايمان كل واحد دي حاجه بينه وبين ربنا ميحقش لاي حد انه يتكلم فيها اصلا
انا ليا بالظاهر انه راضي وصابر
معنديش اكتر من كده

\\
اكيد كل واحد بيمر عليه وقت بيبقي مش طايق نفسه فيه
ومهما الناس دي تظاهرت بانهم في افضل حال
فهما مش في افضل حال
والحمد لله الذي عفانا مما ابتلي به خلقه
\\

ومين فينا في افضل حال ؟؟؟؟؟

\\
والحمد لله الذي عفانا مما ابتلي به خلقه
\\

الحمدلله على نعمة الصحة وباقي النعم اللي متتعدش; الاثنين, مارس ٠٨, ٢٠١٠ ٦:٥٩:٠٠ م
!! a7mad sala7 !! يقول...: :-??

للاسف مبيحصلش دا; الثلاثاء, مارس ٠٩, ٢٠١٠ ٩:٠٧:٠٠ م
OlivE يقول...: !! a7mad sala7 !!
//
للاسف مبيحصلش دا
//
أنا مقولتش انه بيحصل

بس اخر جمله كانت
هكذا رأى المؤلف بطل قصته
يعنى من خيال المؤلف

ولو اتكلمنا عن الواقع
والله انا من رأيى ان فى ناس كتير ربنا بيبقى معفيها من اى اعاقه وبيبقى هو او هى زى المعاقيين
اسفه فى الكلام بس بجد بيوصل الحوار ما بينهم لحاله الملل والزهق

يمكن فى المشهد دا حاول يبتكر شكل جديد للحديث حتى وإن كان خيالى; الأربعاء, مارس ١٠, ٢٠١٠ ٧:٣٣:٠٠ م