اليوم كان
قبل ١٩ ساعة
وأخيرا وبعد طول انتظار + شويه كلامى
السلام عليكم ورحمه الله وبركاته
ايه بقى فجأه يوم الخميس!!!
أخيرا وبعد طول انتظااااااااااار
خطوبه اسلام اخويا الكبير
كبير العيله بقى D:
الحمد لله كان يوم الخميس قرايه الفاتحه ودبل
كان يوم حلو اوى الصراحة
كنت فرحانة بيه اوى
واخيرا يعنى اخد القرار وقال خلاص هى دى :)
عقبالكوا جميعا ان شاء الله
.......................................................
أنا بقى
وعن نفسى
ونيابه عن ذاتى
جوايا مليون احساس فى بعض
ممكن اكون فرحانه اوى
وحزينه اوووووووووى
وممكن اكون مخنوقه اوى
وجايز مصدومه جدا
وربما عندى احساس بالانهزام
واذ يمكن بحس ان الحياه بقت الحمد لله بخير
وساعات بقول دا الهدوء اللى بيسبق العاصفه
بحس انى مليش هدف فى الحياه
وممكن يكون جوايا مليون هدف جوايا نفسى احققهم كلهم
بحس انى مهزومه وضعيفه
وممكن احس ان قويه جدا ومش ممكن اتهزم فى اى موقف
بحس كتيرررررر انى لوحدى مهما كان حواليا
وممكن اشعر ان فى ناس كتير بتحبنى وتتمنى انى ازورهم او اقبلهم
بحس ان فى حاجات كتير بتتفرض عليا ومش قادره اختار ولا اميز
وممكن احس ان ليا مطلق الحريه فى كل حاجة وان محدش بيناقشنى فى اى قرار
بحس ساعات انى حزينه وغاويه ازعل نفسى
وممكن يكون كل هدفى انى اضحك واخرج واهزر واسمع الناس لو حابه تتكلم وتشكى كمان لو عايزه
جوايا مليووووووووون حاجة متلخبطه
بس مجرد ان لو اى حد من صحابى مس الكلام دا باى تلميح
كل ملامحى بتتغير وبتمنى محدش يفتح معايا اى كلام
حاسه انى حبيت دفن الكلام جوايا ومش حابه انه يطلع لان خلاص وقته ضاع
ومفيش حاجة بتمرممكن نرجعها تانى
الكلام مش مترتب
ومش وقته بعد الخبر اللى فوق دا
بس اول مره من فتره افتح البلوج واكتب الكلام الكتير دا
وحشنى كلامى وقلمى جدا الصراحة
بلاقى نفسى مع قلمى لما بكتب
:)
سلامى
|
7 تعليقات اجمد ناس:
الف الف الف مليون مبروووك لأخوكي
و عقبالك ان شاء الله
الأحاسيس دي طبيبعه بتيجي لكل الناس
بس بيحس بيه اكثر الى عنه مشكله ما
سبايدرمان
//
الف الف الف مليون مبروووك لأخوكي
و عقبالك ان شاء الله
//
الله يبارك فيك يارب :)
وعقبالك انت كمان
//
الأحاسيس دي طبيبعه بتيجي لكل الناس
بس بيحس بيه اكثر الى عنه مشكله ما
//
ومش اللى عنده مشاكل بس
لا واللى بيفكر فيها كتير
نورتنى
وشكرا على الاهتمام
الف مبروك لاخوكى وعقبالك ان شاء الله :)
\\\بحس انى مليش هدف فى الحياه
وممكن يكون جوايا مليون هدف جوايا نفسى احققهم كلهم
بحس انى مهزومه وضعيفه
وممكن احس ان قويه جدا ومش ممكن اتهزم فى اى موقف
بحس كتيرررررر انى لوحدى مهما كان حواليا
وممكن اشعر ان فى ناس كتير بتحبنى وتتمنى انى ازورهم او اقبلهم
بحس ان فى حاجات كتير بتتفرض عليا ومش قادره اختار ولا اميز
وممكن احس ان ليا مطلق الحريه فى كل حاجة وان محدش بيناقشنى فى اى قرار
بحس ساعات انى حزينه وغاويه ازعل نفسى
وممكن يكون كل هدفى انى اضحك واخرج واهزر واسمع الناس لو حابه تتكلم وتشكى كمان لو عايزه\\\
شيزوفرينيا يعنى :D
انا بهزر فى الكلمه يعنى بس عادى بتحصل كتير
أنشودة
//
الف مبروك لاخوكى وعقبالك ان شاء الله :)
//
الله يبارك فيكى يارب وعقبالك انتى كمان لو كنتى لسه مش مرتبطه
//
شيزوفرينيا يعنى :D
انا بهزر فى الكلمه يعنى بس عادى بتحصل كتير
//
لا اكتر بكتييييييييييير :))
منورانى يا جميل دايما
الأول فرحتينا
وبعدين زعلتينا عليكى
blue-wave
//
الأول فرحتينا
وبعدين زعلتينا عليكى
//
يادكتور
حضرتك اكتر حد عارف ان الحياه مزيج من الاتنين
:)
الحمد لله على كل حال
حضرتك بجد بتنورنى
والف مليون مبروك على البيبى
وربنا باذن الله يبارك لحضرتك فيه
ويجعله ان شاء الله ذريه صالحه ليك :)
إرسال تعليق