مش فارق+ سلام

أعتقد مش بتفرق كتير

و هى مش فرقت كتير

ولا هتفرق كمــــــــــان

فى النهايه

كلهم سواء

بعدين هقول ايه اللى مش هيفرق بالظبط

علشان لو قرار يبقى قرار أخير

:(

:(

++++++++++++++++++

السلام عليكم ورحمه الله وبركاته

هو إيه موضوع مش فارق دا وباختصار ؟؟؟

انى فكرت ان أبعد شويه عن النت وكل حاجة

سواء بقى ايميل او بلوج او فيس اللى اتقفل خلاص اساسا

السبب؟؟؟

هو مش علشان مذاكره انا متأخره فيها وشايله همها جدا والحمد لله كل يوم هقول هبدأ

تقريبا يوميها مش بفكر افكر نفسى باسامى المواد عندى :( وزعلانه ومش عارفه اعمل ايه بجد ؟؟؟

ومش علشان تعبت من دور معين بقوم بيه وبصراحه كان نفسى اغيره واعكس الادوار

بس ساعه الجد ملقتش حد يعرض الموضوع دا او حتى يفكر فيه

ومش علشان الوضع بقى تحت الصفر

ومش علشان زعلانه على حالى وحال ناس كتير معايا

ومش علشان شايفه ان الكل جايب اخر ومش حابه اتقل على حد

ومش علشان نفسى اتكلم كتير واقول على كل اللى فى دماغى ومش عارفه

ومش علشان خوف ولا قلق ولا افتقاد وحزن وألم

ومش علشان زعلانه على بعد ناس كتير للاسف قدامى اوقات كتير بس الحمد لله حتى السلام مش بقى يتقال

ولما بجرب أبدأها انا بحس انى تقيله اوى عليهم وبتكسف اقولها تانى والله

مش علشان أى حاجة من دى

علشان بس

عايزه أكون لوحدى لفتره

يعلم ربى بيها

ممكن يوم

او يومين

ممكن شهر

او شهرين

مقدرش احدد اى وقت

بس اللى أعرفه بجد ان هتوحشونى اوى اوى

ومعرفش لو هوحشكم ولا نو -:s

اختصرت اهون علشان محدش يقول رغايه

دايما ظلمنى كداهون :)

آخر حاجة عايزه اقولها

ياريت يا بناتيت يا حلوين محدش يقولى ليه

او يسألنى عن اى سبب

ولو حد شافنى فى الكليه ميقوليش ليه

أرجوكم

NO Blog

No Mail

No facetook

:-h

سلام

آراء ... مسأله آراء

السلام عليكم

هو ليه كل حاجة فى الدنيا طعمهما اتغير والاحساس بيها اتبدل !!!

يعنى حتى شويه اكتئاب عايزين ندخل فيهم مش عارفين... الله مش عيب كدا !!!

هى كل الناس مالها كدا زهقانه وقرفانه ليه ومش عارفه تعمل حاجة صح
ولا انا بتهيألى ولا الناس بتضحك عليا طيب؟؟؟

دا انا حاسه انه ممكن الاقى جروب على الفيس توك او مدونه باسم

"" للمكتئبين فقط ومش عايزين حد بيبتسم فى المنطقه دى والا هو او هى حر كله يلزم الاكتئاب والعبس منك لها وليها""


والله انا عارفه ان الدنيا بقيت صعبه اوى حتى علي الشباب اللى حتى موصلش 20 سنه زهقان وبحس ياعينى ان الاكتئاب مسيطر عليهم

بس هو الحل ايه بالظبط ؟

اننا مثلا نعمل جروب ولا مدونه ولا اننا نقعد نشتكى طول الليل والنهار والبنى ادم هو هو مفيش حاجة هتتغير

ما يمكن العيب فينا قبل ما يكون العيب فى الدنيا او المواقف اللى بنمر بيها

ليه بقينا ضعاف حتى قدام نفسنا ليه الناس بقت تحب ترسم نفسها اوى حتى قدام نفسها

انتو متخيلين ان النفاق يصل الى ان كل واحد بقى ينافق نفسه قبل الناس, ايه اللى وصل الحال بينا لكدا؟؟؟

على فكره مش عيب اننا نحتاج للناس معانا بس الاهم من الاحتياج هو التفكير هو انا محتاج مين معايا وليه ؟؟

محتاج حد تفكيره كويس يساعدنى ويعلمنى اشوف الامور ازاى
ولا محتاج حد طيب وحنين يطبطب عليا وانا موجوع ويهون
ولا محتاج حد ذوى عقل يفكرلى ويوضحلى الدنيا
ولا محتاج ولا محتاج ولا محتاج

انا مقتنعه ميه فى الميه ان ضعفنا من جوانا اقوى ما فينا طيب ازاى؟
يكيفنى ويكفيك ويكفيكى انك فكرت مع نفسك وقدرت توصل لنقطه ضعفك
بدون ما تنافق نفسك مش دا بردوا يعتبر قوه مش ضعف...


لو حد عنده اقتراح ازاى الناس تقدر تخرج من اللى هى فيه ياريت يقوله فى موضوع عنده فى مدونته
او باى طريقه كانت اهم حاجة يوصل فكرته ووجه نظره

سنعود بعد قليل

.

.

.

.

.

.

.

.

.

.

.

.

.

.

عدنا

هتكلم شويه بقى عن الكليه والكام شهر اللى مالهم كدا مرخمين ليه كدا ومش حابين يعدوا واحنا مبسوطين فيهم

طيب حد يقولى بس المطلوب ايه اللى يتعمل بس علشان الواحد يقدر يمسك كتاب ويذاكر

ويحس انه مستمتع بالمذاكره وبأخر ترم فيكى يا كليه...

بدور على اسباب الفشل ( اسمحولى اقول فشل لان حاسه ان الحال بقى كدا فعلا معايا ) اللى وصلنا ليه
وان مخنيش الظن ان دا حال ناس كتير اوى حالك انت وحالك انتى وحال معظم اللى يمكن يكونوا صرحين شوي
ومش بيذاكروا فى الخفى كدا وقدام الناس ياعينى علينا وشويه هبقى اعيط بدل منهم

أنا
نفسى
أذاكر
بس
أزاى

ومحدش يقولى دى حاجة بتنبع منك انتى والمفروض انتى اللى تقررى ودا مستقبلك ومحدش هيفيدك فيه
لو حد ناوى يقولها يبقى بلاش ... اه انا بحب الفلسفه بس مش للدرجه دى :(

احنا رضينا بالكليه سنين بس انا جيت على الاخر ومبقتش مستحمله اى حاجة فيها او منها
فى اسباب شويه برافيت بسبب الصحاب
بس السبب العام والاهم انه مبقاش فيها حاجة تدعو للتفائل وحب الدراسه فيها وانا نفسى الاقى ليها حل بجد !!!


ربنا يهون


عايزه اسمع آراء
سوووووووو
سيتم فتح الكومنتس :)

سلام

وصل...

السلام عليكم

وجانى رد الفعل... جانى

كنت فى موقف لا أحسد عليه من حد امبارح

ياااااااااااااه مكنتش متوقعه الكلام دا ولا الموقف دا ابدا

بدعى ربنا مكونش فيه تانى من حد

قولت انى ندمانه ؟؟؟

لا من طبعى مش بحب الندم بحس بالضعف ساعتها

والموقف دا بالذات مينفعش الندم فيه حتى لو بان موقفى ضعيف

بس من جوايا موقفى قوى جدا جدا وتفكيرى مش هغيره فى الموضوع دا أبدا


من امتى واحنا بنعرف نرضى الناس من حوالينا حتى اقرب الناس لينا !!!

من امتى واحنا بنلاقى التفاهم من حوالينا موجود!!! ... عادى يعنى موقف ومتكرر


بس انا وعدت وهوفى بوعدى ان شاء الله المره دى...

وعد أنى وعدى يتنفذ بالظبط مهما حصل

مهما حصل :(






بس
ياخســـــــــــــــــــــــــــــــــــــــــــــارة :(

مش أنا قولت المود هيقلب ... ما دا الطبيعى من مدونتى

موقف ... رد الفعل مجهول

السلام عليكم...

معرفش اللى عملته دا غلط ولا صح !!!

حاسه انى اتسرعت

والنتيجه زى كل مره بالظبط بدون اى تغير

مكنتش متوقعه ان اكون فى الموقف دا تانى

بس مش عارفه

زعلانه وفى نفس الوقت النتيجه متوقعه :(

يلا بقى هتعااااااااااااااااااااااادى زى غيرها

هتعدى مع قليل من الاكتئاب والزعل والوحده وكدا يعنى :)




عادى بقى موقف وعدى

بس اهم حاجة يتفهم صح مش غلط وقصدى يكون وصل صح

New thing

بجد

بس

أوعى تكون بالاستيك

.

.

.

.

.

.

.

.

.

.

.

.

.

.

.

.

.

وطلعت بالاستيك والحمد لله

:((

:((

وهى دى أخره الحال والاحوال

بلوجى أول من يعلم :))

السلام عليكم ورحمه الله وبركاته

أى خدمة

فى نفس ذات اليوم اهو

مش حرماك من حاجة يا بلوجى

صور الصبح توصلك دليفرى فى نفس اليوم

بجد كان وقت جميل انا كنت مبسوطه

رغم ان الوقت مكنش كتير بس غيرت جو

وخرجت مع ناس بحبها بجد

وكانت احلى صور هحتفظ بيها

ربنا يوفقنا جميعا الى ما يحبه ويرضاه

بالنسبه للصوره اول ما شوفتها قولت لازم اصورها وانزلها

عجبنى الشكل اوى اوى فكرنى بحاجة كدا

وقولت لازم يبقى فى حاجة من ريحه اليوم تتنشر على البلوج :)

شكــــــــــــــــــــــــــرا يا ... و ... و ... على اليوم

ان شاء الله يتكرر تانى باذن الله عن قريب D:

سلام

اللهم آميــــــــــــــــــــــن

بسم الله الرحمن الرحيم

آلهى

ارجوك بعظمتك ان ترحمنى

آلهى

اتوسل اليك بقدرتك ان تعفو عنى

آلهى

اشكو اليك من ضعفى وفقدان همتى

فهل لي يارب بالعفو والفرج القريب

آلهى

قد احس قلبى بزياده فى الهم والسأم

فهل لى يا الهى بمغفره وقضاء حاجاتى

آلهى

أسألك العفو و العافيه من كل ابتلاء

أسألك المغفره والرحمه على كل ذنب

أسألك الرضا والطمأنينه لقلبى

آلهى

اللهم اجعل فى خيرا للناس

اللهم ابعد عنى شر الناس

آلهى

اللهم ارزقنى بالحلال

وارزقنى الحلال فى كل أمرى

اللهم فرج كربى

اللهم فرج كربى

اللهم فرج كربى

اللهم فرج كربى

اللهم فرج كربى

اللهم آمين يارب العالمين

سنه مــــــــــرت

السلام عليكم ورحمه الله وبركاته

مساء الجمال والهنا والحب والسعاده والابتسامه الحلوه والزقططه

مساء كل حاجة حلوه

طبعا يوم أجازه

فى اللى نام وفى اللى خرج وقضى يوم حلو

وفى اللى قضاه فى المذاكره بقى

وفى اللى اقعد قدام التى فى او الكمبيوتر

يوم متنوع عند كل الناس

بالنسبه ليا انا يوم مختلف :D

بس أحب أفكركم وأفكر نفسى ال يعنى نسيت

ان النهارده هو 5/4

اه والله 5/4 بجد فعلا أكيد

النهارده عيد ميلادى الواحد والعشرين

وطبعا سن 21 سنه دا مش اى سن

دا سن الرشد يا بابا ويا ماما

يعنى خلاص بقيت مسئوله مسئوليه تامه عن نفسى

طبعا مقدرش أنسى شيمو واللى عملته وروان

بجد شكــــــــــــــــــــــــــــــــــــــــــــــــــــــــــرا

بجد انا كنت فرحانه جدا بأحلى مفاجئه لما فتحت الميل بليل

وطبعا ظبطونى على الميل والفيس كمان :D

يلا عقبال لما ابارك ليكم قريب على حاجة تانيه خالص بقى :)

وأخيرا Happy Birth Day to Me

طيبتم فى خير

سلامى

:)

قانونى ...اه قانونى خلاص

السلام عليكم

أيش احوالكم

هو فى حاجة المفروض اتكلم فيها

بس نوت ناااااااااااااو

اصل هو القانونى النهارده :)

بس الرسمى الرسمى يوم الاتنين الجاى ان شاء الله

يارب نوصل ليوم الاتنين بسلام بقى D:

نلتقى يوم الاتنين فى البوست اللى مش عارفه هينكتب ولا لاع

بالنسبه للبوست اللى فات واللى مش مفهوم مش مهم حد يفهمه

الاهم هو انه يتحس وبس احساسكم وحده كفايه ( ال احساسكم ال)

حاسه ان هضرب بعد ما رجعت التدوين تانى

سلام