مفيش فايدة ...

السلام  عليكم


سعد زغلول قال مفيش فايده
وانا هفضل اقول بقيت عمرى مفيش اى فايدة :(




مفيش فايدة
مفيش فايدة
مفيش فايدة
:(




شويه اكتئاب وراجعه
:(
:(
:(

ربما بآخر دقيقة , قد تبدأ بك حياة جديدة 2

السلام عليكم
.........................

العنوان دا كتبته من كام يوم
فكرت كتير فيه وبعدين كتبته
بس مفيش 5 ساعات وعرفت معناه ايه عندى على الاقل
فعلا
باخر دقايق او ساعات او ايام تبدأ حياة جديدة بس للاسف مش ليك
لشخص تانى هيكمل مكانك ...

ياااااااااااااااااااااااه
أسوء خبر ممكن تصحى عليه انك تصحى على خبر وفاة حد قريب ليك
حد تتصدم لما تسمع الخبر عنه
حد لسه محسش بفرحة قلبه بأبنه اللى مكملش 3 شهور بعد سنين حرمان منه
سبحان الله ...


كلام كتير نفسى اقوله بس خايفه يكون حرام
:(

بس فعلا
الدنيا عمرها ما بتضحك لحد مره واحدة كدا ,,, الحمــــــــــد لله

ربما بآخر دقيقة , قد تبدأ بك حياة جديدة ...

السلام عليكم ورحمه الله وبركاته


قد باتت الحياة مختلفة شيئا ما
قد اصبح فيها ما يدعو للتفائل
اصبح فيها ما يدعو للاستيقاظ مبكرا
ووجهك ممتلىء بابتسامه تغطى كل احزان الامس
أصبحت حياة بهدف
نعم
هدف واحد قد يعيد الحياة إلى بعض الاشخاص
قد يحيى اموات قد عاشو الموت فى كل يوم قد مر...

لقد أصبحت حبيبة بالفعل حبيبة إلى قلبه , إلى عقله , إلى نظراته , إلى أنفاسه ...

وأصحبت حبيبة بكل ألوان الحب والامل والعشق تحيا

.......

مممممممممممممممممممممم

انا قررت اكملها وكتبت الخطوط العريضة فيها من كام اسبوع
بس لسه مبداتش انى اكتب التفاصيل
حابة انى اكملها
لما ربنا يريد ان شاء الله

-----------------------------------------------------

شخبطة ...

تفتكروا لو بطلت أحلم ,,, هموت !!!
السؤال دا بقالى كتير بفكر فيه
ولما جربت انى ابطل احلم مقدرتش اعيش من غير أحلام ولا أمنيات
بس هل لو قدرت هموت ؟؟؟


سلامى

الفراق !!!

السلام عليكم ورحمه الله وبركاته

أزيكو أزيكو مدونيني ومدوناتى الاعزاء
والله وحشنى اووووووووووى الكلام هنا
بس حاسة بحالة موت مش نوم لكل المدونات :(

ياااااااااااااااااااااااااااه فين ايام زمان
زمان دى اللى هى من كام شهر كدا
ايه اللى حصل ليكو بس !!!


ما علينا
اتمنى انكو تكونوا كلكو بخير ان شاء الله


هييييييييييييه دنيا هى الحياه كدا
لقاء ثم فراق
واصعب شىء فى الدنيا هو الفراق
...
انا جوايا فعلا خوف من الفراق دا
عندى احساس بالخوف رهيب
يمكن من اسباب الخوف دا
الفـــــــــــــــــــــراق

تفتكروا ازاى نهيأ نفسنا على الفراق من ناس بنحبهم وبنعزهم
وان كانو عارفين او مش عارفين
فى الحالتين سواء لان فى الحالتين التعب علينا احنا مش عليهم

أزاى تقدر تقاوم أحساس التعب أو الضعف فى حالة فراق وبعد !!!

أنا فعلا خايفة :(


سلامى

!!!

السلام عليكم


...............................


هو انا غالبا عايزه اكتب حاجات كتير بس مش عارفة !!!


بس حاسة احساس وحش اوى جوايا ...


بجد الدنيا مش فسح وخروجات وضحك وخلاص
لالالالالالالالالالالالالالالالالا
الدنيا ساعات بحس انها فكره ممكن تكون موجودة
حلم نتمنى تحقيقه فى اقرب وقت
اسرار جواك تتعبك ساعات وتطمنك ساعات
مواقف تبكيك ساعات وترسم الابتسامه ساعات ...






.................
أصعب حاجة فى الدنيا هو الانتظار
والاصعب ان بعد كل اوقات الانتظار تكتشف ان الشىء دا مش نصيبك :(
...........




أنا مخنوقة أووووووووى ...

عيد سعيد:)

بعيدا ان الكلام اللى فوق دا خالص

بس كان لازم انزله

لو مكنتش انا انزلها مين هينزلها

D:

ومش هقول ليكوا ليه بقى نزلتها

p:

______________________________________

كل سنه وانتم طيبين وعيد سعيد عليكوا كلكوا

وربنا يعيد عليكو رمضان لاعوام عديدة ولازمنة مديدة ان شاء الله

شكرا اووووووووووووى يا روان على العديه

اخدت 100 جنيه عديه من روان

وكانت اول عديه

وجديدة انى اشوف أم هى اللى بتاخد من بنتها

معلش يا بنتى دى اخره اللى يكبر بقى ,,, عقدونا بقى :((

اوعى تكبرى خليكى كدا صغنونة

:)

سلامى

ذكرى

السلام عليكم

فى رمضان قبل اللى فات وبالضبط
من سنتين
ويومين
وبعد دلوقتى بساعتين
كانت احلى لحظة
كانت احن لحظة
كانت اطيب لحظة
كان اجمل احساس
كنت مبسوووووووووووووطة اوى اوى
كنت حاسه احساس جميل اوى


بس هل ياترى كان احساس كاذب !!!

الله وحده اعلم

الحمد لله

سلامى

حبيبـــة

السلام عليكم

حبيبة عمرو السيد شاهين

اول حفيده فى العائلة الكريمة

D:

+++++++++++++++++++++++++

جوايا دعوة كل يوم بدعى بيها

لما هبقى هعيط

نفسى اغمض وافتح والاقيها اتحققت

ورغم كدا ممكن فى ثانيه اعمل عكس الدعوة خالص

رغم ان من جوايا نفسى تتحقق علشان ابطل اعملها :(

ساعات دماغى بينفجر من كتر التفكير ومن كتر ما بسرح فى موضوع هيقتلنى

لدرجة انى بتخنق جدااااااااااااا ومش بعمل غير حاجة واحدة بس الا وهى ...

التفكير هيقتلنى والله

يـــــــــــــــــــــــــارب

شويه من المخزون :)

السلام عليكم

:)

شويه فضفضة بقى

انا بقيت عمه
الحمد لله اخويا ربنا رزقه ببنوته عسوله
اخيرا هيبقى فى بيتنا بنوته صغيره تقولى يا عمتو , يا عمتو
ربنا يخليهاله يارب ويبارك ليه فيها
هو لسه مستقروش على الاسم
بس ما بين 3 اسامى فيهم اسمين عجبنى واحد فيهم بموت فيه
والتانى حلو اوى لانه جديد واول مره اسمعه صراحا
بس احساس حلو اوى لما تشوف بيبى عمره ساعات سبحان الله :)

بيقولوا شبهى انا وعمرو :))
بس طبعا دا كلام لان الاطفال مش بيثبتوا على شكل معين
ملامحهم بتتغير مليون مره
++++++++++++++

روحت يوم الاحد قدمت فى الاى تى اى
وبعد ما فكرت قولت لا مش هكمل
بصراحة الموضوع بالنسبه ليا انتحار
يعنى تقريبا 6 ساعات سفر يوميا وغير شغل 8 ساعات هناك
وموضوع الاقامه فى المنصوره شىء شبه مستحيل ومرفوض نهائى
وبصراحة لما فكرت قولت الموضوع مش سهل اوى وان كانت تجربه حلوه
بس بردوا مينفعش
المفروض امتحانى الصبح الساعه 10 بس انا صرفت نظر خلاص
ورغم عشقى للمنصوره بس بردوا كل شخص وظروفه بقى
وانا استفتيت قلبى وقولت لا وانا مقتنعه وربنا يوفق صحابى اللى قدمو
وان شاء الله يتقبلوا ويبقوا احلى مهندسى برمجه :)

+++++++++++++++++++++++++++++++++

شويه مشاكل كتير ظاهره كدا وتعبانى صراحا جدا
ومش قادره افكر بسببها
بقيت دايما حاسه بحاله عدم مبالاه سواء للفرح او الحزن
بجد ولا بقيت عارفه افرح ولا حتى افرق ما بين الفرح والحزن
بقيت احس ان كله بقى سواء عندى

انا مش مبسوطه من حاجات كتير
ومش مبسوطه من نفسى قبل اى حاجة تانيه
ومخنوقة من المشاكل اللى عمرها ما هتخلص دى
واناعارفه انها مش هتخلص وبقت واقع بس الناس هى اللى بتخلينى افكر فيها

++++++++++++++++++++++++

ليه بقى مفيش حد بيحب يطلع نفسه غلطان وانه الصح على طول الخط
بحس ان الناس دى مغروره اوى وبجد بتخنق منهم
دا من قال لا اعلم فقد افتى
مش لازم يعنى نبين اننا ملمين بكل حاجة والدنيا بالنسبه لينا اوضه وصاله
واحنا لفينها مليون مره
حاجة غبيه اوى لما واحد يعيش نفسه دور الشيخ وهو بيشرب سجاير ومقضيها بقى
والاغبى ان واحد يكون كويس ويبين نفسه فى ابشع صوره
هو للدرجة الناس مش قادره تقدر نفسها
ولا الكويس عارف يقدر نفسه واللى مش كويس عارف يلم نفسه :(

++++++++++++++++++++++++

بقالى كام يوم بفكر فى موضوع واحد وبس
ومش عارفه اخرج نفسى من التفكير فيه
وكتير حاولت معرفتش لدرجه انى كنت بكتئب كل ما بفكر فى الموضوع دا
مش عارفه اعمل ايه كل ما اقول لا خلاص ومش هفكر تانى واحاول اشغل نفسى
فى اى حاجة بس مش عارفه الدايره بتلف وارجع تانى افكر فيه
:((
يمكن لانى نفسى احكى فيه بصوت عالى بس هحكى ازاى يعنى
انا بحس ان بقيت مستمتعه جدا انى كدا محدش حاسس باللى نفسى اقوله
وبصراحة كل محاولاتى ان اقرب حد منى قوى من صحابى ارجع اندم تانى
معرفش دا قله ثقه ولا لان مفيش صحوبيه زى اللى فى خيالى وبحلم بيها
او ممكن يكون هى دى ظروفى وقدرى وشكلى كدا والله اعلم هتفضل معايا طول عمرى

+++++++++++++++++++++++++++

صحيح
ناس كتير بتقولى انى غامضه
ليه ميكونش هما اللى مش شاطرين ولا بيقدروا يحسوا باللى نفسى اقوله
رغم ان كلامى بيفضح احساسى جدا
هو غالبا فى حاجة فى الاتموسفير مبوظه الدنيا شويه فى نظرى

هرش وارجع يمكن الحال يتعدل


سلامى

مش عارفه سبب الاختلاف !!!

السلام عليكم ورحمه الله وبركاته

:(

اسفه مش هقدر انزل الحلقات زى ما كنت اتمنى

على العموم هى كانت حلقات او فلاشات للشيخ أبى اسحاق الحوينى

باسم عطر الكلام

بس للاسف النت عندى مش كويس الفتره دى

انه يرفع كل يوم حلقة مدتها ربع ساعة


++++++++++++++++++++++++++++++

هو رمضان مختلف السنة دى!!!

انا عن نفسى كل سنه رمضان بيختلف عن السنه اللى قبلها

بس السنه دى الاختلاف مش فى صالحى او بمعنى تانى مش مفرحنى

يمكن علشان لسه فى اول يوم ؟؟

بس المفروض ان يكون احساسى زائد فى الاول بس انا لالالا :(


هو انا مش عارفه افكر ليه وايه السبب فى الاحساس دا

بس اتمنى ان بمرور الوقت يتغير واقدر أكون أنا من غير تغيير او احساس مختلف

هحــــــــــــــــــــــــــــــاول على قد ما أقدر أنى أكون أنــــا


سلامى