OLiVeTrEe

welcome to my Blog

كلمتين...


كلمتين والسلام
أكتــــــــــــــــــر حاجة توجع أوى
لما تكون بتتمنى أنك تعرف حقيقه موقف مر عليك
بس للاسف مش قادر
والحل الوحيد أنك تتأكد من الموقف
أو توصل لحقيقه الموضوع
هو
أنك
تفقد حياتك
أو
بمعنى أصح
تنتهى حياتك
أو
بمعنى أوضح
أنك تموت
:((
أحساس صعب أنه ينتهى من جواك
أحساس تفضل فاكره لاخر نبضه فى قلبك
سؤال جواك الحل الوحيد علشان تعرف اجابته هو أنك تموت
:(
بجد اصعب أحساس ممكن حد يعيشه
شعور لوحده يقتل مش يجرح بس

عدنــــــــا... مش أوى يعنى



والله بجد البلوج وحشنى جدا جدا جدا جدا :x
وحشنى الكلام والرغى هنا وانه هو مستحملنى اوى
بجد نفسى اتكلم فى كلاااااااام كتير
انا كنت واخده قرار بعد لمده اسبوع كمان لسه
بس مقدرتش وحشنى البلوج والناس اللى عليه
انا كنت متابعه فى صمــــــــــــــــــت
اكتشفت ان معظم كلامى بقوله هنا ومش لاى حد
اول حاجة بكتبها بتكون هنا وبتكون اول مره تطلع
اكتشفت انى مليش غير الصفحه دى
بس كفايه كدا
شويه وراجعه تـــــــــــــــــــــانى :)
سلامى

كلنا عشاقه + مكس من شويه فضفضه



السلام عليكم

أزيكم... أزيكن

البوست طويل

يعنى اللى مش حابب يقراه اوك علشان اوفر عليكوا وقتكوا :(


يمكن الحكايه اللى عايزه اتكلم فيها كنت حابه اتكلم فيها من 3 اسابيع بس حصل ظروف ومتكلمتش فيها
والمفروض اتكلم فيها بعد 10 ايام بس غالبا مش هينفع وقتها أتكلم فيها يعنى شويه ظروف كدا هتحصل
ما علينا

القمـــــــــــــــــــــــــــــــــــــــــــــــــر
طبعا مفيش حد مبيحبش يشوف القمر ولا يسرح فيه وفى ضوءه
انا بقى واحده من الناس اللى بتعشق ضوء القمر وبعشق انى انظر ليه حتى وهو لسه ربيع أول :)

يمكن أول مره الاحظ القمر اوى وادقق فيه جدا وألاحظ الشكل اللى بيتكون عليه لما يكون مكتمل
كنت بعد 3 ثانوى بعد فتره الامتحان وفتره سنتين مخرجتش بره البلد كان لازم اسافر
وفعلا كنت مسافره فى طور سينا
بالظبط المشهد كالاتى:
واقفه فى البلكونه بعد المغرب بشويه على يمينى القمر مكتمل بدر فى ليله تمامه
ومن شده ضوءه كان منعكس على الجبال
وكان قدامى بالظبط صف التانى من الشارع ووراه على طول قمه الجبال وضوء القمر منعكس عليها
من أكتر المناظر اللى مقدرش انساها فى عمرى
ووقتها لما دققت فى القمر اوى شوفت وجه بنوته صغيره لسه فى عمر 15سنه مبتسمه
وابتسامتها رقيقه جدا تكاد اراها فى الواقع
أتمنيت ساعتها أنى لو معايا موبيل كنت صورتها

بس لما رجعت البلد وبعد شهر تقريبا اتكرر قدامى المنظر بس المره دى
كان وجه فتاه فى الثلاثين من عمرها
استغربت جدا ازاى الملامح اتغيرت وازاى اتحولت

ساعتها سألت ناس كتير انتو بتشوفو وجه القمر ازاى ناس قالو انهم بيشوفوه وجه أمرآه
وناس قالو عادى ولا بنلاحظ
وناس قالو دى مجرد صخور ملهاش اى شكل معين
ويمكن أتكلمت مع ناس فى موضوع ان شكل الصخور اتغير
وظهر مره فتاه فى 15 من عمرها ومره فى30 من عمرها
معظم الردود ان انا نظرتى اللى اتغيرت مش هى

بس لحد النهارده وانا نظرتى متغيرتش
هو وجه الفتاه فى الثلاثين من عمرها ومتغيرش
بس يمكن اللى بيتغير ملامح الوجه مره حزينه ومره سعيده
وبحاول ادقق جدا جدا علشان اوصل للملامح
ولأن نظرى ضعف جدا بسبب الكمبيوتر طبعا الملامح بدأتت تتلاشى من ذهنى

يمكن اللى بيخلينى مرتبطه اوى بالقمر
هو انى لما بكون مخنوقه او فى حاجة مضيقانى اخد نفسى واطلع فوق خالص فى بيتنا
وأقف اتفرج على منظر الناس فى الشارع
وبيصدف ان القمر بيكون موجود فى طور من اطواره مش شرط يكون بدر ومن هنا ظهر عشقى لضوءه
يمكن كتير بيخفف من زعلى لو زعلانه وبينسينى اى حاجة مضيقانى وبيدخل فى قلبى الفرحه بملامحه

يمكن من شويه لما شوفته واحنا لسه النهارده ليله 4 بس حسيت انى شيفاه مكتمل قدامى
شايفه الجزء المضىء منه وشاغل بالى الجزء المعتم منه لان ساعتها بيفكرنى كتير بحالى

يمكن الناس تستغرب انى دايما بحب اشوف الجزء المعتم
بس دا العكس يمكن لانى بحب الامور تكون واضحه قدامى جدا
علشان متصدمش بأى موقف مش كان على بالى ودا بيخلينى دايما مشغول بالى بالمستقبل
بس النهارده عمال يجى على بالى جمله واحده ( لو علمتم الغيب لاخترتم الواقع)
فعـــــــــــــــــــــــلا كتير لما بنشغل تفكيرنا بالمستقبل ومش بيتحقق زى ما احنا شيفينه
بنحزن جدا وبشوف ناس كتير كدا

يمكن انا مش كدا اوى لانى ببساطه حلمت احلام كتير جدا لا تعد ولا تحصى
ومتحقشش منهم اى حاجة لحد دلوقتى على الاقل فى الوقت اللى كنت متوقعه فيه حدوثه
بس مزعلتش ولا اضيقت بالعكس زاد يقينى فى الله وان الله عزوجل كاتب ليا حاجات
افضل ان شاء الله واكيد التقصير فيا انا وان الاحلام دى مش من حقى حاليا
لانى متعتبتش علشان تتحقق ليا


بمناسبه الجزء المفرح والجزء المحزن فى اى شىء
انا فاكره ان يوم النتيجه قولت انى مش فرحانه او مش دى الفرحه اللى تستحق النجاح
يمكن مبينتش السبب
لان السبب ببساطه انى كنت اتمنى وجود ناس جنبى فى اللحظه دى هى اول ما تقولى مبروك
أتمنيت والدى يكون معايا ويشوف بنته وهى فى آخر سنه وكلها كام شهر وتتخرج
كان نفسى اخواتى يكونوا موجودين ويكونوا اول ناس تعرف بس للاسف
كان نفسى صحابى يفرحوا معايا واحس منهم بسعادتهم دا بس بردوا للاسف
كان نفسى بجد ساعتها احس بفرحه ناس كتير معايا كانت حاجة هتدينى تحفيز عالى جدا ليا
بس دا محصلش يمكن هو دا الجزء المعتم اللى يحزن
بس فى نفس الوقت ميخلنيش استسلم ولا اقول الحمد لله وابقى سعيده بكرم ربنا عليا


اكتر جزء معتم دلوقتى فى حياتى هو القلق اللى بشوفه فى وجوه ناس كتير
او بمعنى اصح الاسرار اللى بحس انها مرسومه على وجههم وحساها
بس هما فاكرين ان محدش شيفها
اكتر حاجة تعبانى لعبه ناس كتير بتلعبها من حواليا نظام الدايره
والكلام يلف الدايره على ألسنه ناس مختلفه
طيب ما يتقال مره واحده وخلاص لازم يلف ويتحور
وبردوا هيلف فى الدايره كامله وهيتعرف هيتعرف

واكتر جزء كمان هو الناس اللى بتغير معاملتها معايا فجأه كدا من غير اى مبررات
او مبررات انا فهماها بس مسمعتهاش مباشره ليا كانت هتوفر كتير من الزعل اللى ممكن يحصل

ياريت لو فى حد زعلان منى او مضايق هو مغير معاملته او معاملتها وفى اسباب ياريت اعرفها
بدل ما ازعل واشيل جوايا من غير سبب مقنع

وممكن اكون انا اللى مكبراها وباخد كل حاجة بشكل شخصى شويه ... فى الاخر الله اعلم
بس انا حاسه بالتغيير جامد جدا من ناس كتير
وممكن يكون السبب حاجة تانيه خالص وهى
انى لما بتعود على معامله معينه من اى حد صعب جدا اتقبل غيرها
الا بعد مرور فتره كبيره واسباب مقنعه للتغير
لو مفيش بزعل وبضايق وبشيل من الشخصيه دى لابعد الحدود


اتكلمت كتير انا عارفه :)
بس لانى غالبا هغيب شويه عنكم الله اعلم بالظروف
بس اللى واضح انى هغيب شويه عنكم
حبيت اطلع كل الكلام اللى جوايا مره واحده

سلامى
دمتم بخير


شوية................


السلام عليكم ورحمه الله وبركاته




مش سهله انك تأسى على نفسك بأيدك
مش سهله أنك تفقد أحساسك وتتسرق أحلى أبتسامه منك
مش سهله تتوه ومتعرفش انت مين
مش سهله تتخان وانت مسلم وصادق مع اللى خانك
مش سهله تأسى على اقرب الناس ليك علشان خايف ليرفضوا حبك
مش سهله انك تستغرب كلمه تسمعها وفات على وقتها سنين
مش سهله انك مبتسم لكل اللى حواليك وتلاقى رد الفعل جرح يهدك
مش سهله تتكلم بصراحه وصدق ويقابل كلامك خداع وكدب
مش سهله الناس توصفك باللى مش من صفاتك
مش سهله تتصدم ومطلوب منك يكون صوتك هاتفا للأمل والتفائل
مش سهله تتمنى الارقي و الافضل وتتصدم بالاعنف والاسوء فى حياتك
مش سهله تتعامل مع الناس بمنتهى الاحترام والحب والنيه الحسنة ويقابل دا الكدب والخيانه والنميمه والغيبه فى حقك



كان فى بالى كلام تانى اقوله بس اظاهر ان مبقتش قادره اكتب حاجة او افسر حاجة

عارفين حاله ال side effect فى نشره الدواء بتسمى الاثار الجانبيه
يعنى كل حاجة بنعتبرها بتساعدنا اننا نكمل حياتنا مش لازم تكون كل تأثيرها ايجابى ممكن تأذى شىء تانى
لمجرد انها تقوم بدورها فى علاج شىء معين
كتير اوى بحس الحاله دى وبحس ان وصل معايا الحال ان كل اللى بوصل ليه هو التأثير السلبى بس ومش بحس بالتأثير الايجابى وخاصا لو فكرت مع نفسى لفتره كبيره

حالة ......... مش عارفه احددها بالظبط ايه بس
كل ما تحاولى تكونى ماشيه فى حياتك فى خط مستقيم
تظهر حاجة تخليكى ترجعى تفكرى فى اللى فات
وتقفى فى وسط الطريق ما بين نظره للخلف ونظره للامام
مابين الرجوع لنقطه البدايه او الوصول للنهاية

يـــــــــــــــــــــــــــــــــــــــــارب لك الحمد فيما ينبغى لجلال وجهك وعظيم سلطانك

دمتم فى سلام

النهاردة زى بكره


يمكن النسخه مش حلوه اوى

بس انا من عشاق فيلم آسف على الازعاج

وكلمات الاغنيه عجبانى جــــــــــــــدا

وصوت أحمد سعد ليه انطباع تانى خالص

لا إله إلا الله


أسمى فلسطينى


NoComment

الحمد لله أنا نجحت


السلام عليكم ورحمه الله وبركاته
أزيكم و أزيكن

الحمد لله بعد طول انتظار وتفكير ياترى النتيجه عامله ازاى وياترى هعمل ايه ؟؟؟

الحمدلله النتيجه ظهرت على التليفون يوم الاتنين

قولت اجبها من التليفون بدل ما استنى دا كله

ووصلتنى رساله (جج,جج,جج,م,م)

طبعا فرحت الحمد لله تقديراتى كويسه

مكنتش متوقعه انى هجيب تقدير امتياز وخاصا انى كنت بحس بحاله عدم رضا بعد كل امتحان

بس الحمد لله ربنا قدر انه يفرحنى بالنتيجه وبعد كدا اتضح ان ناس كتير جايبين تقديرات كويسه

قولت الحمد لله ان الدفعه كلها تقديراتها كويسه وربنا يوفق الجميع

والحمد لله من 3 ساعات ظهرت النتيجه على النت ولما رجعت من الكليه قولت اطمن واشوفها بعينى D:

وظهرتلى الصوره

طلعوا مبيكدبوش اهو D:

يلا الحمد لله

كلمتين كدا على جنب

رغم انى النتيجه حلوه الحمد لله وأول ترم يبقى تقديراته فيه حلوه كدا

بس بصراحه

مش فرحانه ومحدش يقولى ليه وانتى طماعه

مش موضوع طمع ولا تقديرات بس انا مش عارفه اصور احساسى بس مش الفرحه اللى تستحق النتيجه

الحمد لله :) ويارب الترم التانى تقديراته تكون زى الترم دا وربنا يستر فى الكام شهر دول

سلام


:)


دايرة واحدة


دوايـــــــــــــــــــــــــــــــر


حاسة وكأنى بلف فى دواير
لأ هى دايره واحده بس
بتتكرر ومش بشوف غيرها
نصها يفرح اوى
ونصها يموت اوى
وكل مره ينتهى نص يبدأ التانى
فجأة فرحتي تتحول دمعة
وفجأة أحس ان دمعتي مش قادره تنزل
بس مش فرحانة كأنها صدمة :( او لغز

دايره واحده بتلف فيها
مش عارفة نهيتها ولا حتى بدايتها
بس أعرف لما بتتغيرمن حال لحال
مش بأيدى أغيرها
مش بأيدى اثبتها على النص الحلو على طول :(


نفسى أخرج من الدايره دى
اكسرها
امحيها
اضيع كل ملامحها :(


حاسة انها بضيق عليا
بتخنقنى
بتصدمني :(


كفــــــــــــــــــــــــاية

Happy Birth Day Again


السلام عليكم ورحمه الله وبركاته
اه تورته اخت اللى فاتت بالظبط
أصــــــــــــــــــــــــــــــــــل
النهــــــــــــــــــارده مش أى يوم
ومش عيد ميلاد أى حد
دا عيد ميلاد ست الكل
ماماتى حبيبتى
كل سنه وانتى طيبه
وربنا يخليكى لينا يـــــــــــــــــــــــــــــــــــارب دايما
ولا يحرمنا منك ولا يحرمك مننا
تعابينك احنا انا عارفه والله
بس انتى قدها يا ماماتى D:

حبيت أقولها فى بلوجى للذكرى