OLiVeTrEe

welcome to my Blog

My AcCoUnT



بسم الله الرحمن الرحيم

النهارده 27/12/2009 من سنه بالظبط وبالتحديد الساعه 5 مساءاً
دخلت عالم التدوين وعملت اول اكونت ليا هنا على الموقع دا
عرفت الموقع من على منتدى الكليه تقريبا
ومن فضولى دخلت وعملت الاكونت بس مهتمش بيه

ولا حتى انى افكر فى وقتها اهميته ولا الهدف منه

لحد شهر 3 ما بدات اهتم واكتب فيه وانزل مواضيع

وغيرت البلوج بمعنى اصح غيرت دمى وعملت البلوج دا كمان

لانى فعلا كنت اتغيرت وحبيت كمان اغير البلوج

بس مغيرتش الناس اللى اعرفها طبعا


يمكن اللى يعرفنى يعرف انى مش بسهوله اغيرعاداتى

ولا اغير الناس اللى اعرفها الا لو حصل مواقف

تيجى على الكرامه ببعد اه بس بطمن من بعيد لبعيد


المهم بقى عددت عليا سنه هنا اسعدنى كتير وجودى على الموقع دا
عرفت منه عقليات كتير لها كل تقدير وقربت منه لناس كتير

كنت اعرفهم قبل دخولى عالم التدوين

وزاد الكلام معاهم بعدها ومندمتش انى عرفتهم


اتغيرت فى السنه دى؟؟؟

اه اتغيرت كتير اوى اوى
بدات اكون نفسى واحب نفسى لانى مكنتش بحبها خالص

بدات افكر كتير فى الحاضر ونسيت حاجات كتير كانت بضيقنى

ومعنديش اى نيه انى ارجع افتكرها تانى

لانها مش بتمس ليا باى صله دلوقتى

بقى عندى امل فى الحياه والحمد لله مش زعلانه من اى حاجة

ولا من اى حد الحمد لله بقيت مقتنعه ان مفيش ملايكه على الارض خالص

وان عادى لو حد جه عليك او ظلمك عادى مزعلش ولا اضايق نفسى خالص



عندى امل ان الدنيا هتبقى احلى ولو مبقتش احلى

نخليها احنا احلى باحلامنا وثقتنا فى ربنا ثم فى عقولنا

عندى امل ان ممكن على البلوج نغير من نفسنا وفى الناس من حوالينا

عندى امل انى فى يوم اجى اكتب بوست هنا من غير اى كسوف

واقولها بصوت عالى انى هزمت كل حاجة وحشه

ومش انا بس وكلنا نقول كدا

عندى امل ان احلامى تتحقق واحلامنا كلنا تتحقق وبكل فخر ندونها

عندى امل ان الدنيا تتغير ومش يبقى كل هم الناس الفلوس

والمظاهر وتحاول تشوف الجوهر ولو لمره وقتها

هنلاقى الدنيا افضل بكتير

بس

اختم بقى بشويه كلام مرتبط بالسنه اللى مرت
واحداثها لبعض الشخصيات

فى حياتى معظمهم من خارج عالم التدوين خالص:


-سعيده ليكى كتير اوى وربنا يتمم ليكى على خير يارب
-ربنا يهديكى ويهديه ويتمم الموضوع دا على خير
-ربنا يبارك ليكم ويرزقكم بالرزق الطيب وبثمره الحياه
-ربنا يهديك يارب وأفرح فيك قريب يارب
-ربنا يبارك فيكى ويشفيكى ويجازيكى كل خير
-عندى امــــــــــــــــــــــــــــــــــل فيك
-أسعدنى كتير معرفتى بيكى وبيسعدنى اكتر اتصالك الدائم بيا
-برضوا لسه مجنـــــــــــــــونه
-كان نفسى اوى نكمل مع بعض بس الدنيا لقاء وفراق
-كنت بشوف ان دماغنا واحده بس الواقع لغى كل تصوراتى
-فرحانه ليكى اوى بس نقصك اللى يقدرك
-أنتى لسه فكرانى ؟؟؟

كلمه لنفسى بقى ولا انا مليش نفس
-مش زعلانه وانا لوحدى حمده ربنا وشكراه
- الدنيا ياما بتعلــــــــــــــــــــــــــــــــــــم



انا رغايه اوى ايه اللى كتبته دا كله
وأخيرا

HaPpY bIrTh DaY To My BlOg AcCoUnT
sAlaMy

شويه كلام 2



السلام عليكم ورحمه الله وبركاته


ازيك يا بلوجى


يمكن فى البوست اللى فات شويه كلام


قولت انى هريحك منى خالص وفعلا


كنت بفكر فى كدا جدا وانى خلاص هنزل كام


موضوع كدا احس بيهم فى مشاركه بعض الناس


الاعزاء عليا فى حياتى وبعد كدا اقفله



بس فكرت فكرت كتير اوى


وقولت طيب ليه نقفله خليه مفتوح


فى برضوا ذكريات حلوه كتير عندى


ويمكن يكون ليه ذكريات لبعض الناس فى


ردودهم عندى




خلاص بقى هنخليه


عندى شويه كلام كمان نفسى اقولهم


امبارح ومعرفش ليه قعدت افتكر شويه


ذكريات كتير اوى ليا زمان اوى


كل الذكريات دى كانت مع بابا فى البيت


فى شغله ,فى مطروح لما سفرت معاه ,


فى القاهره لما كنت بنزل معاه ,قدام باب بيتنا


وفى المسجد وهو بيصلى وكان بياخدنى معاه


كنت عامله زى ضله فى كل حاجة ولما كنت بهزر معاه


وبخبى الفلوس بتاعته منه وفاكره اخر مره سلم عليا فيها


لما كنت لسه راجعه من عند خالتى من بهتيم


وهو اللى اتصل وقال كفايه كدا وارجعى


ودا كان قبل الوفاه ب3 ايام.


مش عارفه ليه الشريط دا اشتغل قدامى


ومقدرتش اوقفه خالص بالعكس كنت مستمتعه وهو بيمر قدامى


وكانت سعادتى اكتر انى كل اللى بفتكره احلى ذكرياتى معاه


الله يرحمه يارب


اول امبارح بقى حلمت حلم غريب لو قولت الحلم لم يتعدى 15 ثانيه


وبعديها فوقت من نومى بس معرفش هل انا كنت بحلم ولا لما صحيت


هو دا الحلم ياترى الاحلام عندى هى الواقع والواقع هى الاحلام


اه الحلم لم يتعدى 15 ثانيه بس شوفت فيه جمله مكتوبه


الجمله دى المفروض بتفوقنى فى الواقع كتير بس للاسف مازالت


بحلم ومازال الحلم فى خيالــــــــــــــــــــــــــــــــــــــى رغم ان الحلم دا


مش هيتحقق ................. اه مش هيتحقق


مش عارفه اقول للاسف ولا اقول الحمد لله واسكت


خلاص نقول الحمد لله ونسكت


.....................

سلامى

أنت رزقــــــــى


بسم الله الرحمن الرحيم

انت رزقى


بالأمس وأنا مستلقيه على الاريكه مغمضه عينى
فإذا بشىء صغير يضربنى على يدى
فظننت أن هذا فى حلمى
فأبصرت بعينى فإذا به يمسك بيدى
أخذ يحبو فى الغرفه حتى يصل إلىَ

فأبتسمت إليه فضحك خجلاً منى
فقمت مسرعاً وأخذته فى حضنى
فإذا به تعلو ضحكاته
وتزداد سعادتى بضحكاته وهو فى حضنى


إذا ....فمن هذا؟؟؟
هذا فرحه عمر ..هذا قلبى..هذا هوطفلى

فأخذت ألعب بأصابعى فى قدميه
فتزداد ضحكاته وقهقه صوته
وكلما زادت ضحكاته أخذت أزداد لعبا فى قدميه


ثم أراد أن يعاتبنى عن ما بدر منى
وفجأه ترك حضنى وأراد أن يكشف عن
انيابه فلقد نفذ صبره منى ...
فكيف أتركه وأغمض عينى عنه
ألم اعده أن أظل ألعب معه
ولكننى قد أحسست بالارهاق
وأردت أن استريح للحظات



فنظرت إليه وانا حزينه
فنظر فى الأرض خجلا من تصرفه


فضحكت فى وجهه وضممته إلى صدرى
ثم نظرت فى وجهه لأرى الشمس وهى تشرق من بين عينيه
ثم أخذته مره أخرى فى حضنى
وفى كل حضن كنت أشعر بقلبى وهو يتحدث إليه
مبينا إليه عذرى
هامسا له آسفا يا ملاكى


وأغمضت عينى وهى ممتلئه بدمعه الفرح
ودعوت ربى حينها أن لا يحرمنى من طفلى
فهو كل دنيتى قد أُرزقت به كهديه من ربى



فلن أتركك للحظه يا قلبى
ولن تغيب لثوانى عن نظرى
فهذا وعدُ منى ... فأنت رزقى من ربى
نعم إنك رزقــــــــــــــــــــــــى

18/12/2009
خواطــــــــــــــــــر
OliVe TrEe

سلامى

شويه كلام زى زمان




بسم الله الرحمن الرحيم



من كام يوم فاتوا وانا عماله افتكر انى مريت بالحاله دى قبل كدا

وساعتها افتكرت انى كنت مريت بنفس الحاله دى من 4 سنين

فى 3 ثانوى كان سنه من اسوء سنين عمرى والحمد لله

عدتت كانت سنه وحشه اوى كان كلها زعل وعياط وتعب

مكنتش بعمل حاجة فى حياتى غير انى بروح دروسى

ارجع اقفل على نفسى الاوضه واعيش مع حالى

حتى المدرسه مكنتش بروح على اساس اقعد فى

بيتنا علشان اذاكر بقى واجيب مجموع كويس

يرفع من مجموع تانيه وندخل بقى الكليه اللى نفسى فيها

وهى فعلا اللى دخلتها بس مجموعى نزل مش زاد ودخلتها برضوا

الحمد لله بس كانت سنه وحشه اوى



وتقريبا كان نفس التوقيت اللى احنا فيه دلوقتى فى شهر 12 لحد

شهر 4 و قولت لا انا لازم اذاكر ومضيعش مستقبلى

اى نعم الحاله متغريتش خالص و اى نعم فضل حالى زى ماهو و

اى نعم مضعشى الحلم بس وقتها قفلت على نفسى اكتر

وقدرت اذاكر واعدى اه مجموعى نزل شويه

بس ربنا سترها ومنزلش اوى والحمد لله فرحت

انى دخلت الكليه اللى كان نفسى فيها وفرحت امى واخواتى معايا

والحمد لله محدش شمت فيا ودخلنا الكليه

ويارتن... مبحبش كلمه يارتنى دى

بس كل ما صحبتى تقولى 3 ثانوى وتفكرنى تسكت

وتقولى خلاص خلاص عارفه انها كانت سنه وحشه عليكى

بس بتفكرنى بحاجات متتنسيش درس الساعه 6 ونصف الصبح

واللى كنا بنعمله بعده من اكتر الحاجات اللى بفتكرها دلوقتى

واضحك عليها :)



المهم وصلنا ل4 جامعه يااااااااااااه بكالوريوس ياناس

وكلى حماس من اول الترم هنعمل وهنشتغل بقى

ومشروع بقى وكلام من دا ولقيت الجو نايم على الاخر


منى ومن زميلى ومن الكليه وانا كمان نمت وضاعت

كل القوه والحماس اللى كان جوايا بالعكس بقيت محبطه

ومحبطه لاى حد ممكن يتكلم معايا علشان كدا بطلت اتكلم مع الناس ...


يمكن اكتر حاجة تعبانى دلوقتى المشكله اللى ظهرت تانى دى

اخلص منها ازاى طيب ما ممكن زى ما خلصت منها زمان من


4 سنين اخلص منها دلوقتى


للاسف انا مخلصتش منها زمان بس تناسيتها شويه كدا


وكان فى مشاكل تانيه بتشغلنى عنها وعن حلها دلوقتى


بقى كل المشاكل ظهرت مره واحده

ومفيش ولا مشكله واحده عايزه تتحل كلهم ناويين يخلصوا

على شويه الصبر اللى فيا



المشكله ان دلوقتى غير من 4 سنين المسئوليه اكبر والحمل اكتر

والهم للاسف اكتر مش عارفه احل مشكلتى دى ازاى ...

دورت على حلول ليها كتير بس للاسف منفعش

اظاهر ان حلها مش بايدى وان ربنا هيحلها من عنده ...

الله المستعان

المشكله انى تفكيرى مش معايا ودماغى غايبه خالص

مش عارفه اطنش المشكله دى ولا اشيلها من دماغى

مش عارفه ولا اذاكر ولا افكر فى اى حاجة غيرها



انا عمرى ما كنت كدا ابدا كنت بحب المذاكره جدا

والحمد لله تقديراتى كانت كويسه بس ياخوفى ليحصل


السنه دى زى اللى حصل فى 3 ثانوى بس انى انزل


فى الكليه ليها معنى تانى خالص وخاصا انى مش بذاكر


خالص وعندى وقت كتير بس برضوا


مش بذاكر ومنزلتش الجامعه النهارده بردوا بسبب المشكله دى

ومبقتش مركزه ولا عارفه اظبط وقتى واذاكر حاجة عندى حاله


احباط ربنا ما يعيشها لحد يا ساتر على الكآبه D:



فعلا شر البليه ما يضحك وفعلا لازم اعمل الابتسامه دى دلوقتى

علشان مكتآبش اكتر


بدى نفسى أمــــــــــــــــــــــــــــــــــــــــــــــــــــــــل

أمل حياتى على رأى ام كلثووووووووووووووووم

أقول نكته طيب .......................................



شويه كلام زى البلوج اللى فات

فاكره انى كنت بكتب مواضيع باسم شويه

كلام كنت لسه بقراهم امبارح وافتكرت الاسم

دا دلوقتى

طيب بقى

شويه كلام

استحملنى يا بلوجى

وهريحك منى قريب

S:


ياعينــــــــــــــــــــــــــــــــــى
S:
لسه عايــــــــــــــــــــــــــش
:(
فى الوهــــــــــــــــــــــــــــم
:)
يا عينـــــــــــــــــــــــــــــى
عليك
S:

أزاى محبش الابتسامه دى ++ تحديث



السلام عليكم ورحمه الله وبركاته

ههههههههههههههههههه
بصراحه مش قادره ابطل ضحك
بس غيرنا اللهجه خالص

فى آخر 3 دقايق من 18/12/2009



كان يوم عجيب ما بين حزنى على شيئ ضاع منى

وما بين فرحه قلبى

حبا فى كل الناس



عمرى ما دونت 3 تدوينات فى نفس اليوم

3 تدوينات حاسه ان خيالى وسع اوى منى فيهم

فى اقل من ساعتين كتبتهم

اولهم بعنوان أذكرنى لقلبك

وثانيهم بعنوان مابين حلمى وكلماتى

وثالثهم بعنون انت رزقى

ودائما بيقولوا ختمها مسك وانا بردوا بقول كدا

انت رزقى قريبه اوى من قلبى


ان شاء الله قريب هنزلهم علشان
احتفظ بيهم هنا فى مدونتى حبيبتى




دلوقتى دخلنا يوم جديد مر 7 دقائق من بدايته
انتهى يوم وبدأنا فى الاخر

ولكن ماذا تعملنا من الامس؟

وماذا سنتعلم اليوم ؟؟




امممممممممممممممم
عايزه اتكلم اكتر بس الكلام ضاع منى


ولكن لم ينتهى كلامى بعد

فمازال قلبى ينبض

وإن ظل ينبض سأكون

هنا ما بين تدوينى واحلامى وكلماتى


كنوع من الفضفضه

:)

سلامى للجميع

++++++
اه نسيت اقول انى اضفت كلمه
بسيطه فى الموضوع السابق :)

كل عام وانتم بخير+++ تحديث


السلام عليكم ورحمه الله وبركاته



كل عام وانتم بخير وعام هجرى جديد
سعيد علينا كلنا يارب



وربنا يتقبل منا ومنكم صالح الاعمال

تحياتى

:)
+++++++++++++++++
ناس كتير هتضايق منى وتقول انى بجد رخمه وغاويه اضايقكم
بس استحملونى طيب للاخر
اللى عايزه اضيفه كلمه بسيطه سمعتها من فتره
وبصراحه مش عارفه لو كنت صح ولا غلط
بس اكيد هبحث فيها واتاكد من كلامى
بس هقولها برضوا D:
كتير من الناس بترد وبتقول
كل سنه وانتم طيبين
وسمعت ان كلمه سنه بتعنى قحط او مجاعه
يعنى كل مجاعه وانتم طيبين
اه مش هتبقى زى اللى الشعب فيه برضوا
بس الافضل اننا نقول
كل عام وانتم بخير
اظن كدا الصح
الله اعلم بصراحه
هل انا صح ولا غلط هتاكد واقول
بس حبيت اكتب الكلمتين دول دلوقتى وخلاص بقى
:)
سلامى لاحبابى

أحلامك بتتحقق؟+تحديث



السلام عليكم ورحمه الله وبركاته


صباح الخير :)



عمرك حلمت حلم لنفسك ولقيته بيتحقق لغيرك

بنفس الاحداث اللى حلمت بيها بغض النظر عن

تفاصيل المواقف

عمرها حصلت ليك؟؟؟

عمرها تحصل اساسا ؟؟؟


يتهد حلمك علشان بنيته جواك ومحدش عرفه غيرك

يتهد حلمك علشان صبرت ليتحققلك؟

يتهد حلمك ويضيع علشان يكون لغيرك؟؟



هل الاحلام بتتوهب؟


هل خوفك لتبوح بحلمك يخلى حلمك يضيع منك؟؟


عمرك أتمنيت حاجة وتانى يوم لقتها بقت متحققه لغيرك؟؟



أه مش كل الاحلام بتتحقق على أرض الواقع

بس صعب يضيع حلمك وأنت من جواك

بتموووووووووووووووت عليه؟؟

ولا ايه؟؟؟



يمكن الاحلام بيكون مفتتح ليها خيالك جدا

وممكن يوسعها ليك جدا بس فى الاخر الحلم دا

بيمس حاجة جواك نفسك فيها

وتحصلك فى حياتك

وكتير من الاحلام بيتحقق لاحساسك بيها

وتواجدها جواك .... ممكن تتحقق
حلم بقى فى دراستك فى شغلك
فى اسرتك لنفسك لحاجة خاصه بيك
لعلاقاتك مع الناس من حواليك
لمنصب معين نفسك توصل ليه
اه ممكن يحصل وتحلم حلم
وميتحققش ليك
بس يتحقق قدامك لغيرك بالظبط؟؟؟




شويه كلام كدا جه فى بالى من كام يوم


باب مفتوح للمناقشه

واللى حابب يقول وجه نظره

البلــــــــــــــــــــــوج مفتوح

:)

سلامى
.
.
+++++++++++++++++++
اللى فات كان الموضوع
نقول رأينا بقى
اه سهل تحلم حلم وتلاقيه بيتحقق لغيرك
بس اللى مش تمام اوى انه يتحقق ليه ومش ليك
بمعنى انها فرصه انه يتحقق لشخص واحد ليك او ليه
بس صعبه انها تتحقق بنفس الاحداث الا فى التفاصيل
عارفين ليه ؟؟
لان ظروف الانسان بتختلف من شخص للاخر ..
الاحلام حق لكل مواطن p:
الاحلام حق لكل انسان طبعا
بس معظمنا بيخبى حلمه جواه ومش بيحب حد يعرفه
الا الناس القريبه اوى لقلوبنا وبس مش خوف منهم
على قد ما هو خوف من الحلم دا مش يتحقق ولانك
بتتمنى تشوفه متحقق ليك بدل ما يكون مجرد حلم
ساعتها هتحس بانتصارك وقوه تحملك وصبرك
لحد ما يحصل ليك وطبعا ساعتها محدش هيكون قدك ..
الاحلام بتضيع منا لانها مش من نصيبنا ومهما زعلنا عليها
خلاص بقى امر واقع انها مش من نصيبنا
ممكن يكون دا خير لينا
او ابتلاء من الله بيختبر بيه قوه صبرنا
الاحلام بقى اللى فعلا بتتحقق
الاحلام اللى انت جريت عليها
وخلتها هى هدفك الاول
علشان كدا اتحققت
بس فى نوع من الاحلام مينفعش انك انت تجرى عليه
او تستعجله بيبقى ليه وقته وآوانه ميعرفوش غير الله عزوجل
دمتم فى حفظ الله
:)

MiNe



أدى اخره اللى ياخد فلاشته يحطها

فى جهاز فى الكليه العقيمه دى




279 فيرس

ليه

ليه
ليه

انا فلاشتى ماتت بكل تلك الفيروسات المميته

اهى اهى اهى

الله يرحمهاااااااااااااااااااااااا

كانت عزيزه عليا اوى اوى


...............

حسبى الله ونعم الوكيل

...............

مين يستاهل كدااا؟؟؟





السلام عليكم ورحمه الله وبركاته

ازيكم ازيكم ازيكم
الكلام دا المفروض كنت اقوله من اسبوع فات
بس ما علينا

امممممممممممممممممممممم
الصوره دى لما شوفتها فكرتنى بمجموعه من الناس
مين بقى يستاهل كدا؟؟؟
فى ناس كدا كلمه توديها و كلمه تجبها
كلمه تخليها مقتنعه جدا بدماغك وتفكيرك وكلامك

وكلمه تخليها تقلب عليك وتقول فى حقك كلام وحش

وتمسك فى كلام حد تانى تمدح فيه

كلمه تخليها فى قمه سعادتها وكلمه تخليها تقلب على كل الناس

فى كل حاجة وتعمل 111 فى وشها وحاجة كدا ياساتر
انا مش بقصد الناس العصبيه لا انا بقصد الناس اللى مش بتعرف
تاخد قرار ولا كلمه وتثبت عليها
نقول عدم ثقه فى نفسها الشخصيات دى
حتى لو كدا ما تغامر وتجرب مش هتخسر حاجة
بدام مش هتوصل لحد التهور وبدام مش بضر حد


اما بقى كلمه اصل انا مش عارف اصل انا مش فاهم

اصل انا خايف وطيب واخرتها

هتفضل مش عارف ولا فاهم و خايف

لحد امتى طيب ؟؟؟

مين كمان يستاهل كدا ؟؟؟

الناس اللى غاويه تجادل فى كل حاجة واى حاجة وفى اى وقت
مينفعش الجدال فى كل شىء(من قال لا اعلم فقد افتى)
بس تعالو منخلطش ما بين الجدال وما بين ابدا الرأى ليك

حق تبدى رايك فى كل شىء بمنتهى الحريه بس يبقى متأكد

انك على صواب على الاقل عقلك يبقى مدرك الكلام

دا مش اى كلام وخلاص (ولا هو خالف تعرف)


كلنا متفقين ان الدين والسنه والاحكام مفيش حد يقدر

يتناقش فيها ابدا ولا وضع نقاش او اعتراض من حد

الا بقى لو كنت رجل دين وتقدر تطلع افتى من عندك
اما باقى الاتجاهات والمواضيع اكيد ينفع المناقشه فيها

وانك تعبر عن رأيك بس بالعقل ( خبط بالعقل ...D: )


مين كمان يستاهل كدا؟؟؟

الناس اللى بتفكر فى نفسها وبس ومش بتشوف حد تانى

غير نفسها ومصلحتها رغم ان الحياه مشاركه يعنى شارك

الناس حياتهم فرحهم حزنهم كل اوقاتهم هتتعلم منهم هتتعلم

منهم فى حياتك كتير اوى


بس الاهم من مشاركه الناس فى حياتهم هى أنك تكون كاتم

اسرار ومصدر ثقه ومش معنى ان الناس بتحبك تخون

ثقتهم فيك او تتبلى عليهم بكلام باطل...


مين كمان ؟؟؟


الناس اللى مش بتقبل العتاب من حد وكل حاجة تاخدها

بالزعل وانه هو ملاك ومش بيغلط
ياعم الحج يا ست الحاجة كلنا بشر وبنغلط وبنتعلم من غطلنا
فيها ايه لو ان حد عاتبك حتى لو محستش بالتقصير دا

قوله معلش حقك عليا
(دا بيعاتبك يعنى بيحبك )
حافظ على حبه ليك بالعقل
(خبط برضوا بالعقل ..)

بس خلاص
خلص الكلام دلوقتى
ولكن لم انتهى بعد
فمازال القلب ينبض ...

دمتم فى سعاده :)

سلامى

حنــــــــــــــــــــــين





bgd
w7shni alba7r gdn gdn gdn
yaret ynf3 asafr
bs yalla mafesh naseb
wa7shtwny
tabt ayamkom
salamy
:)

YarB



alslam 3alekom





7ala mn alta3b w alkt2ab f3ln

msh la2ya leha ay 7al 5als

bgd t3bt awy w msh 3arfa afkr

wala 3arfa ashof masl7aty wala mzakrty



kan f dma3'y million mawdoo3

bs wala 3arfa aktb satr wa7d



7asa eny roo7y ray7a mny w msh 2dra

afkr wala a3ml 7aga

7asa eny mhmwma awy

r3'm eny mb7bsh ashof 7ad kda wala

a3esh al7ala dy

bs 3'asb









7asa eny msh 2dra atklm f 7aga

wala m3 7ad

broo7 algam3a bl3afya

b2eet mdmnt noom w hroob

bnam 3lshan ahrb mn kol 7aga





bd3y rbna roo7y trg3ly

w 2dr akml alsna dy 3la 5eer



wallahi ana bktb 3'asb 3ny

:(





m2drsh 2ol 7aga 3'er yarb

yarb

alslam 3alekom w ra7mt allah w brkath

Side Effect



سبحان مغير الاحوال
:(
yarb

أوعى كدا يا عم


أنت تستاهل كدا والله
p:
فرحانه فيك
مش فرحانه فيك اوى يعنى
ميهونش عليا
:)

:)



لا ترحلى




حبى إليكِ ليس بيدى

ولكن

إليكِ صار قلبى بيدى
فقلبى بحبك قد أمتلأ

فسامحينى إن صار عشقى إليكِ
.

.
قبلك ضاع عمرى

ومعكِ سيضىء دربى

وبعدكِ سأغلق قلبى

فلا تتركينى ولا تذهبى

فإليكِ مال قلبى

ولقد أصبحتى أنتى عشقى

فلا تتركينى

ولا تذهبى
.

.
دعى أعينكِ امامى

دعينى انصت الى صوتك يملأ أجوائى

أجواء مدينه حبى وأشواقـــــــــــــــى

أرجوكى

لا تذهبى

لا تتركينى وترحلى

*******************



Olive tree
29/11/2009

أسئله + تحديث بإجاباتى


السلام عليكم ورحمه الله وبركاته


فى حاجة اسمها اخوه بين ولد وبنت؟؟؟

فى حاجة اسمها صداقه ما بين ولد وبنت؟؟

فى حاجة اسمها صحوبه ما بين ولد وبنت ؟؟؟

فى حاجة اسمها غيره بنت على ولد؟؟؟

فى حاجة اسمها غيره ولد على بنت؟؟

فى حاجة اسمها حب فى صمت؟؟

فى حاجة اسمها حب مرضى؟؟؟



<<<<<<<<>>>>>>>


فى حاجة اسمها اخوه بين ولد وبنت؟؟؟

اه فى اخوه ما بين ولد وبنت اخوه فى الله بعيدا عن اى شهوه او غريزه فينا كبشر
اخوه فى التعامل سواء بقى فى الشغل او الدراسه او حتى المواصلات

فالبنت اللى ممكن تركب جنبك دى اختك فى الدين

لحد ما تنتهى المسافه مش انك تفتح معاها كلام
اخوه ما بين ولد وبنت بتكون محسوبه مش

ان كل واحد او واحده يقول دا اخويا
او دى اختى ويسوقوا فيها بقى , باماره ايه ؟؟؟


فى حاجة اسمها صداقه ما بين ولد وبنت؟؟

كلمه صداقه منشقه من الصدق فى الحديث والتعامل والاسلوب

ودا بتعنى المناقشات
والتفاعل والحوارات اللى ممكن تحصل ما بين الولد والبنت
طيب دى حاجة موجوه؟؟
لا مش موجوده لان دينا بيرفض دا نهائى
دينا بيرفض ان الولد يبقى له صديقه بنت او العكس
لان احنا بشر ومحدش بيقدر يتحكم فى غريزته

او مشاعره الا ما رحم ربى
ودا موضع فتنه والافضل البعد عنه نهائيا نهائيا

فى حاجة اسمها صحوبه ما بين ولد وبنت ؟؟؟

الصحبه ما بين ولد وبنت
دى المرحله التاليه للصداقه مرحله الانتقال من الكلام والحوارات
الى الخروج والصحبه فى كل مكان وزمان ووقت
ودا مبدا مرفوض تمام في دينا
ومن غير ما اطول يكيفنى انى اذكر قول الله عزوجل
أعوذ بالله من الشيطان الرجيم
(ولا متخذات أخدان )
صدق الله العظيم
يعنى دا امر من الله للمسلمات بعدم اتخاذ اى صاحب لها
سواء فى دراستها او اى مكان كان

فى حاجة اسمها غيره بنت على ولد؟؟؟

الغيره بتكون على المحبوب
يعنى لازم يكون حبيبها علشان تغير عليه
طيب يعنى ايه حبيب
الحبيب هو الشخص الذى تتجه اليه كل مشاعرنا واحاسيسنا
طيب وهل دى حاجة صح
غالبا بتكون مش صح
وغالبا ما بيكون شىء بنخفيه جوانا منعا من الاحراج
يعنى بنسررق من غير ما حد يشوفنا
الا فى حاله الارتباط الرسمى ويكون معترف بيه
...

وممكن ان يحصل غيره من بنت على ولد بدون احساسها ليه كحبيب
بس بتغير عليه حبا لشخصيته وخوفا عليه من اى شىء ضار ممكن يحصل ليه
علشان كدا بتغير عليه فى احوال كتير


فى حاجة اسمها غيره ولد على بنت؟؟

أممممممممممممم
اه لما بتكون زوجته او خطيبته
فى حاله اننا هنلغى كلمه محبوبه الا ان يتم ارتباط رسمى ما بينهم
وكمان فى غيره الولد على بنت بدون ان تكون حببته يعنى فى بعض المواقف
اللى بتحصل وبدون اى علاقه ما بين الولد والبنت دى

وبتلاقى الولد ممكن يدافع عن البنت
فيها بسبب غيرته عليها كاخت ليه مثلا مش حبا فيها يعنى
يعنى مثلا لو واحد شاف واحده بتتعاكس من شخصيه مش كويسه
ممكن يتخانق مع الشخص دا مش حبا فيها بس بتتسمى رجوله وشهامه


فى حاجة اسمها حب فى صمت؟؟

اه موجود بس سرعان ما يتلاش وينتهى
لان الاحساس بالحب اتجاه شخص لو ملقاش رد فعل
من الشخص الاخر بيتلاشى وبيموت بمرور الوقت
بعد جرح صاحبه لفتره لحد ما ينتهى الاحساس دا


فى حاجة اسمها حب مرضى؟؟؟

ايوه موجود
الحب المرضى هو الحب الشديد اتجاه شخص

وممكن الشخص دا ميكونش حاسس بيه
بس بيكون حب مرضى وغيره قاتله وممكن توصل الى الجنون
بمعنى اصح حب بدون اى تعقل فيه او ادراك للحقيقه فيه

طيب ودى حاجة مطلوبه ؟؟
لا مش مطلوبه لان الحب بيحتاج الى تدخل العقل لتدبر بعض الامور

بالتفكير وليس بالتهور فى بعض الامور

الحب بيكتفى بالصدق والامان
والثقه والاحتواء المناسب للنمو
بس الحب ما بين شخصين مرتبطين سواء زواجا او ارتباط رسمى,

انا مش بلغى ارتباط المشاعر بس لازم فى اسرع وقت ممكن تتثبت

بشىء رسمى لان اللى بيحب حد بيخاف عليه من اى غلط
وفكره الارتباط لفترات بدون شىء رسمى فكره غلط للطرفين


دى ردودى انا على الموضوع مقتنعه جدا بكل لفظ كتبته
وبوجه نظرى دون اى استثناءات لاى موقف او حدث
....
انا انتظرت شويه على ما اشوف الردود وبعدين انزل رايى
:)



دمتم فى حياه سعيده ابديه ان شاء الله


سلامى

As normal



سبحان الله


كان قلبى حاسس ان فى حاجة هتحصل


تخلينى ازعل واضايق


وفعلا حصلت


وشوفتها دلوقتى وزعلتنى فعلا


بس نحن لها ان شاء الله


الدنيا ياما بتعلم


بجد اضيقت وزعلت


وليا حق ازعل بعد دا كله
غصب عنى زعلت من جوايا


بس الحمد لله

...


:(